Meta vinnur að því að þróa gervi­greindarút­gáfu af Mark Zucker­berg sem gæti átt sam­skipti við starfs­fólk í hans stað, sam­kvæmt um­fjöllun Financial Times. Verk­efnið er hluti af stærri til­raun félagsins til að endur­móta reksturinn í kringum gervi­greind og það sem Zucker­berg hefur kallað „persónu­lega ofur­gervi­greind“. Sam­kvæmt heimildum FT hefur Meta unnið að stafrænum þrívíddar­persónum sem eru knúnar áfram af gervi­greind sem not­endur geta átt sam­skipti við í raun­tíma. Félagið setti sér­stakan for­gang á gervi­greindar­persónu Zucker­bergs sjálfs. FT segir for­stjórann sjálfan taka þátt í að þjálfa og prófa persónuna, sem er sögð eiga að geta veitt starfs­fólki svör, endur­gjöf og sam­skipti sem líkjast fram­komu stofnandans. Persónan er sögð vera þjálfuð í lát­bragði hans, tal­máli og hugsun hans um stefnu félagsins. Þetta verk­efni er að sögn FT aðskilið frá annarri hug­mynd Zucker­bergs um svo­nefndan „CEO agent“, sem á frekar að styðja hann sjálfan í starfi, til dæmis með því að sækja upp­lýsingar hratt og að­stoða við ákvarðanatöku en Meta er í mikilli sókn í gervi­greind. Á síðasta ári hefur Zucker­berg varið mörgum milljörðum dala í að styrkja stöðu félagsins í gervi­greindar­kapp­hlaupinu við OpenAI og Goog­le. Í síðustu viku kynnti Meta nýtt lokað líkan, Muse Spark, sem félagið segir sér­hannað fyrir eigin vörur og búið aukinni getu meðal annars í mynd­skilningi og heilsu­tengdri rök­færslu. Fjár­festar tóku þeim tíðindum vel og hluta­bréf Meta hækkuðu um 7 pró­sent sama dag, sam­kvæmt FT og Reu­ters