Gengi Kviku banka lækkaði um 11% í dag en greint var frá því í gærkvöldi að samrunaviðræðum bankans og Arion banka hefði verið slitið. Hlutabréf Arion banka hækkuðu hins vegar um tæp 2,5% í viðskiptum dagsins. Viðskiptablaðið greindi frá því í gærkvöldi að ákveðið var að hætta sam­runa­viðræðum bankanna eftir fund með full­trúum Sam­keppnis­eftir­litsins þar sem ljóst var að eftir­litið myndi ekki heimila þá hag­ræðingu sem full­trúar Arion og Kviku sáu fyrir sér. Sam­kvæmt heimildum Við­skipta­blaðsins var það mat Sam­keppnis­eftir­litsins að Kvika skipti það miklu máli fyrir sam­keppni í einka­bankaþjónustu, eignastýringu og útlána­starf­semi að ekki væri for­svaran­legt að sam­runinn næði fram að ganga á óbreyttum for­sendum. Sjá einnig SKE blæs samruna Arion og Kviku af Nokkrar hækkanir voru þó í Kauphöllinni en gengi Amoraq hækkaði um 2,4% og hækkuðu hlutabréf Íslandsbanka um 1,3% í 1,4 milljarða króna viðskiptum. Hampiðjan lækkaði um 1,5% og féll gengi Eimskips sömuleiðis um 2,9%.