1.700 manns eiga flugmiða í ferðir Icelandair sem var aflýst vegna óveðurs í New York í Bandaríkjunum í gær og í dag. Tveimur ferðum til New York var aflýst í gær og í dag aflýsti Icelandair tveimur ferðum til New York og einni til Boston. Félagið stefnir á að bæta við flugi á morgun, segir Guðni Sigurðsson upplýsingafulltrúi Icelandair. Beðið sé eftir staðfestingu frá Bandaríkjunum. Guðni er vongóður um að ekki þurfi að aflýsa fleiri ferðum vegna óveðursins. RÚV / Ragnar Visage