Að minnsta kosti 20 eru látnir og tugir eru slasaðir eftir að bólivískri herflugvél hrapaði í lendingu á El Alto-alþjóðaflugvellinum og rann af flugbrautinni nærri La Paz í Bólivíu í gær. Vélin flaug frá Santa Cruz og var að flytja bólivíska peningaseðla fyrir Seðlabankann í Bólivíu, sem dreifðust um vettvanginn við árekstur flugvélarinnar við fjölda bíla og ökutækja við flugbrautina. Vitni að slysinu reyndu að safna saman og hirða peningaseðlana en lögregla notaði táragas til að koma í veg fyrir það, samkvæmt myndskeiði frá þarlendum fjölmiðli. Varnarmálaráðuneyti landsins hefur staðfest að slysið átti sér stað en hefur ekki veitt nánari upplýsingar. Herflugvélin er herflutningaflugvél af gerðinni C-130 Hercules.