Fjarðalistinn ætlar að styðja framboð Samfylkingarinnar og annars félagshyggjufólks í Fjarðabyggð í sveitarstjórnarkosningunum í vor. Þetta kemur fram í tilkynningu á Facebook-síðu listans. „Á aðalfundi Fjarðalistans, haldinn 24. febrúar 2026, var sú ákvörðun tekin að bjóða ekki fram undir merkjum Fjarðalistans í komandi sveitarstjórnarkosningum,“ segir í tilkynningunni. Jafnframt hafi verið samþykkt að styðja framboð Samfylkingarinnar. Fjarðalistinn hafði hvatt stjórn Samfylkingarinnar í Fjarðabyggð til að bjóða fram undir merkjunum Samfylkingin og annað félagshyggjufólk. Færsla á Facebook-síðu Fjarðalistans.Facebook / Fjarðalistinn