Að minnsta kosti ein bandarísk her­flug­vél var felld í Kúveit í dag, að sögn em­bættis­manns hjá bandarísku her­stjórninni CENTCOM en The Wall Street Journal greinir frá. Áhöfn vélarinnar kastaði sér út og er sögð heil á húfi. Ríkismiðill Kúveit greinir frá því, með vísan í varnar­málaráðu­neyti landsins, að nokkrar bandarískar herþotur hefðu verið felldar. Ríkismiðill Kúveit greinir frá því, með vísan í varnar­málaráðu­neyti landsins, að nokkrar bandarískar herþotur hefðu verið felldar. Orsök at­viksins, sem sjá má á myndbandi hér að neðan, er til rannsóknar. Átök hörðnuðu um helgina At­vikið í Kúveit kemur í kjölfar þess að átök í Miðaustur­löndum færðust í aukana um helgina. Ís­raels­her gerði árásir á skot­mörk Hez­bollah í Líbanon í kjölfar árásar sam­takanna, sem njóta stuðnings Írans, og víkkaði þar með átökin á svæðinu. Bandaríski og ís­raelski herinn héldu áfram árásum á skot­mörk í Íran og hafa að eigin sögn gert árásir á um 2.000 skot­mörk frá því að að­gerðir hófust. Íran svaraði með nýjum árásum á Ís­rael og önnur skot­mörk í Persaflóaríkjum. Að sögn CENTCOM féllu þrír bandarískir her­menn og fimm slösuðust al­var­lega. Donald Trump for­seti varaði við því að lík­legt væri að fleiri myndu láta lífið í að­gerðum Bandaríkjanna. Á sama tíma hækkaði olíu­verð og gas­verð í Evrópu og vísitölu­fram­virkir samningar á hluta­bréfa­mörkuðum lækkuðu vegna áhyggja af efna­hags­legum áhrifum átakanna. Sjá einnig Af hverju skiptir Hor­mússundið svona miklu máli?