Amazon segir að árásardrónar hafi lent á þremur af starfsstöðvum fyrirtækisins í Sameinuðu arabísku furstadæmunum og í Bahrein um helgina í kjölfar loftárása Bandaríkjanna og Ísraelsmanna á Íran. Atvikin áttu sér stað á sunnudagsmorgni en á vef BBC er vitnað í Amazon Web Services sem segir að drónarnir hefðu lent á gagnaveri í Sameinuðu arabísku furstadæmunum og valdið neistum og eldsvoða. Amazon Web Services segir að drónarnir hefðu valdið skemmdum á mannvirkjum, truflað afhendingu á rafmagni og í sumum tilfellum hafi fyrirtækið neyðst til að kalla á slökkvilið til að sporna við frekara tjóni. Fyrirtækið segist vera að vinna hörðum höndum að því að koma upp þjónustu á ný á viðkomandi svæðum en sökum mikils tjóns gæti það tekið tíma. AWS varar einnig við áframhaldandi óvissu ef átök halda áfram að breiðast út.