Lögregla virðist ekki hafa náð manni sem kýldi í rúðu á leigubíl í miðborg Reykjavíkur og kastaði að honum flösku. Leigubifreiðar við Leifsstöð. Mynd úr safni.RÚV / Guðmundur Bergkvist Í morgunskeyti lögreglunnar segir að árásarmaðurinn hefði veriðhorfinn á braut þegar lögreglumenn bar að. Ökumaður og farþegi voru fluttir á slysadeild eftir að bíll rann á staur í vesturhluta borgarinnar og engan sakaði í umferðarslysi í Hafnarfirði. Innbrot í geymslu í vesturbænum er til rannsóknar. Að öðru leyti virðast verkefni lögreglunnar í gærkvöld og nótt hafa snúið að bílstjórum vegna skorts á ökuréttindum eða í margs konar ástandi af völdum ölvunar eða fíkniefnanotkunar.