Nýr listi Viðreisnar í Reykjanesbæ fyrir sveitarstjórnarkosningarnar í vor var samþykktur á aðalfundi félagsins í gær. Þetta er í fyrsta sinn sem Viðreisn býður fram lista í Reykjanesbæ. Arnar Páll Guðmundsson leiðir listann. Hann er viðskiptafræðingur og fyrrverandi formaður Viðreisnar á Suðurnesjum. Annað sæti listans skipar Davíð Skarphéðinsson, byggingafræðingur. Í þriðja sæti er Ásta Kristín Guðmundsdóttir, kennari og verkefnastjóri, og í fjórða sæti er Aðalheiður Júlírós Óskarsdóttir, gæðastjóri Reykjanesbæjar. Á aðalfundinum var einnig kosin ný stjórn: Aðalheiður Júlírós Óskarsdóttir formaður, Sigrún G. Bates, Jón Garðar Snædal Jónsson, Jóhanna Björk Sigurbjörnsdóttir, og Sveinn Enok Jóhannsson. Varamenn voru kosnir þeir Davíð Skarphéðinsson og Arnar Páll Guðmundsson.