Orri Hlöðversson, stjórnarformaður Frumherja hf. og sitjandi bæjarfulltrúi, verður áfram oddviti Framsóknarflokksins í Kópavogi. Annað sæti listans skipar Björg Baldursdóttir, skólastjóri og bæjarfulltrúi, og það þriðja Gunnar Sær Ragnarsson lögfræðingur. Í fjórða sæti er Svava H. Friðgeirsdóttir skjalastjóri og í fimmta og sjötta sæti þær Heiðdís Geirsdóttir félagsfræðingur og Ásgerður Stefanía Baldursdóttir, forstöðumaður og knattspyrnuþjálfari. Í sveitarstjórnarkosningunum árið 2022 fékk Framsókn í Kópavogi 15,2% atkvæða og tvo fulltrúa af 11 í bæjarstjórn.