US NAVY / EPA-EFE Bandaríkin auka við herafla sinn í Mið-Austurlöndum, samkvæmt bandarískum fjölmiðlum eru nú um 2500 landgönguliðar á leið í þremur herskipum til átakasvæðisins. Samkvæmt heimildum AFP-fréttastofunnar kom beiðnin um liðsauka frá yfirstjórn Bandaríkjahers á átakasvæðinu. Beiðnin hafi síðar verið samþykkt af Pete Hegseth, yfirmanni Pentagon. Styrjöldin í Mið-Austurlöndum hefur kostað vel á þriðja þúsund mannslíf. Donald Trump Bandaríkjaforseti sagði í samtali við Fox-fréttastöðina í dag að styrjöldinni í Mið-Austurlöndum ljúki þegar honum þyki hæfa.