HK er bikarmeistari kvenna í blaki eftir spennandi úrslitaleik gegn KA. HK komst í 2-0 en það kviknaði neisti hjá KA í þriðju hrinu. Á tíma leit út fyrir að leikurinn væri á leið í oddahrinu en að lokum sigldi HK bikarnum heim fyrir framan sitt fólk í Digranesi. HK konur komu öruggar út og náðu að slíta sig frá KA að lokum í fyrstu hrinunni. Fyrsta hrinan vannst 25-17. HK konum virtist líða vel á heimavelli í Digranesinu og komust í 11-5 eftir upphafssyrpuna í 2. hrinu. Þá vöknuðu KA konur til lífs og minnkuðu muninn í 12-11. Þá gaf HK aftur í og náði sex stiga forskoti, 12-18. HK vann aðra hrinuna að lokum 25-20 eftir að hafa verið afar sterkar á lokakaflanum. Hér má sjá stig í 2. setti eftir glæsilega björgun HK. HK er bikarmeistari kvenna í blaki eftir sigur á KA, 3-1. Norðankonur hleyptu spennu í leikin en þær komu mun ákveðnari til leiks eftir að hafa lent í 2-0 holu. Allt annað KA lið mætti til leiks KA konur mættu sterkar til leiks í þriðju hrinu og settu tóninn með því að komast í 0-3. Staðan var 3-10 skömmu síðar og öll stemningin norðanmegin. KA náði góðu forskoti en HK saxaði á það hægt og bítandi. Þær náðu að minnka muninn í 14-17 en þá tóku KA konur aftur við sér og komust í 14-20. Að lokum unnu KA-konur hrinuna 14-25 eftir að hafa unnið átta stig í röð. KA konur voru áfram grimmar í upphafi 4. hrinu og komust í 3-0. Leikurinn jafnaðist út næstu mínútur og HK jafnaði í 5-5. KA náði aftur upp góðum takti og náði þriggja stiga forskoti, 14-11. Spennan var ógurleg það sem eftir var hrinunnar, sem var sú jafnasta hingað til. Staðan var 18-18 eftir liðin skiptust á stigum en KA var alltaf hálfu skrefi á undan. HK komst svo í 23-20 og vann að lokum 25-20 eftir frábæran leik í Digranesinu. Tilþrif úr leiknum má sjá hér að neðan. HK er bikarmeistari kvenna í blaki eftir sigur á KA, 3-1. Norðankonur hleyptu spennu í leikin en þær komu mun ákveðnari til leiks eftir að hafa lent í 2-0 holu. Stemning í Digranesi Vel var mætt í stúkuna og HK-ingar fylltu þar vel upp í hana á heimavelli. Norðanfólk lét sjá sig og hvatti sitt lið el þar sem fólk var í gulum vinnuvestum merktum KA og jafnvel með öryggishjálm. Mikil leikgleði einkennir HK liðið en þær sýna mikla samstöðu sama hvernig hrinan fer og leyfa sér að hafa gaman af leiknum.