Alþingi samþykkti í hádeginu í dag frumvarp félags- og húsnæðisráðherra um tengingu bóta almannatrygginga við launavísitölu. Frumvarpið var samþykkt með 33 atkvæðum stjórnarflokkanna gegn 21 atkvæði þingmanna stjórnarandstöðunnar. Með frumvarpinu er lagt til að greiðslur almannatrygginga fylgja launavísitölu í stað þess að taka mið af almennri launaþróun. Í greinargerð frumvarpsins er áætlað að útgjaldaaukning ríkissjóðs gæti orðið allt að 4-5 milljarðar króna á ári. Fjöldi aðila hefur varað við frumvarpinu, þar á meðal Seðlabankinn. Í umsögn Seðlabankans er varað við því að tenging bóta almannatrygginga við launavísitölu muni hækka greiðslur almannatrygginga umfram raunverulega útborguð laun. Bankinn sagði aðgerðina geta aukið á verðbólguþrýsting á sama tíma og bankinn viðhaldi þéttu taumhaldi peningastefnunnar til þess að koma verðbólgu í markmið. Sjá einnig Fimmtungur ríkisút­gjalda settur á sjálf­stýringu Á fundi SA um málið í síðustu viku sagði Anna Hrefna Ingimundardóttir, aðstoðarframkvæmdastjóri SA, að með frumvarpinu væri verið að setja um fimmtung ríkisútgjalda á sjálfstýringu. Hún benti á að breytingin nái til um 60 þúsund einstaklinga. Bjarni Benediktsson, framkvæmdastjóri SA, spáði því að stjórnvöld verði nauðbeygð til að vinda ofan af þessum breytingum í framtíðinni. Hag­fræðingarnar Axel Hall og Gylfi Zoega vöruðu í grein í Vísbendingu við að frum­varpið gæti raðað sér í hóp stærstu hag­stjórnar­mistaka síðustu ára­tuga. Á téðum fundi SA sagði Gylfi að ekki eigi að stjórna landinu með vísitölum. Sjá einnig „Það á ekki að stjórna landinu með vísitölum“