Mikill munur er á afstöðu landsmanna til inngöngu Íslands í Evrópusambandið eftir búsetu. Þannig segjast 50% Reykvíkinga vera hlynntir inngöngu í ESB og 41% andvígir. Í nágrannasveitarfélögum Reykjavíkur eru 38% hlynntir inngöngu og 48% andvígir en úti á landsbyggðinni er 32% hlynntir inngöngu en 51% andvígir. Þegar afstaða eftir menntun og fjölskyldutekjum er skoðuð kemur í ljós að fólk með háskólapróf er hlynntara inngöngu en fólk með grunnskóla- eða framahaldsskólapróf. Andstaðan er mest á meðal fólks með framhaldsskólapróf. Þá er andstaðan mest á meðal fólks í lægsta fjölskyldutekjuhópnum, einungis 25% þeirra sem eru með lægri fjölskyldutekjur en 550 þúsund eru hlynnt inngöngu. Þeir sem eru með fjölskyldutekjur upp á bilinu 550 til 799 þúsund eru hlynntastir inngöngu en 46% þeirra segjast hlynnt. Andstaðan eykst eftir fertugt Þegar afstaða til inngöngu í Evrópusambandið er skoðuð eftir aldrei kemur í ljós að yngsti hópurinn, 18 til 29 ára, skiptist í tvær nánast jafnar fylkingar. Alls segjast 44% hlynnt inngöngu en 45% andvíg. Í aldurshópnum 30 til 39 ára eru fylkingarnar einnig nánast jafnar. 40% segjast hlynnt inngöngu en 39% andvíg. Í þessum aldurshópi er hæsta hlutfall þeirra sem svara hvorki né eða 22%. Andstaðan við aðild að Evrópusambandinu eykst eftir 40 ára aldurinn. Nánar er fjallað um málið í Viðskiptablaðinu . Áskrifendur geta lesið fréttina í heild hér .