Utan­ríkis­ráðherra hefur ákveðið að skipa Þór­dísi Kol­brúnu Reyk­fjörð Gylfa­dóttur í em­bætti sendi­herra til fimm ára. Skipunin tekur gildi þann 1. ágúst næst­komandi og er gerð á grund­velli laga um utan­ríkisþjónustu Ís­lands. Ráð­gefandi hæfni­nefnd, sem skipuð var reyndum sendi­herrum og mann­auðs­stjóra ráðu­neytisins, mat Þór­dísi Kol­brúnu mjög vel hæfa til að gegna em­bættinu. Þór­dís Kol­brún á að baki viða­mikinn feril í ís­lenskum stjórn­málum en hún settist fyrst á Alþingi fyrir Sjálf­stæðis­flokkinn árið 2016 og gegndi vara­for­mennsku í flokknum á árunum 2018 til 2025. Hún hefur yfir­grips­mikla reynslu úr ríkis­stjórn og hefur á ferli sínum gegnt em­bættum utan­ríkis­ráðherra, fjár­mála- og efna­hags­ráðherra, dóms­málaráðherra og ferðamála-, iðnaðar- og nýsköpunarráðherra. Frá því í febrúar á síðasta ári hefur Þór­dís starfað á alþjóða­vett­vangi sem sér­stakur erind­reki fram­kvæmda­stjóra Evrópuráðsins um mál­efni barna í Úkraínu. Hún er lög­fræðingur að mennt og hefur auk stjórn­mála­starfa starfað sem lög­fræðingur hjá úr­skurðar­nefnd um­hverfis- og auðlinda­mála, verið fram­kvæmda­stjóri þing­flokks og stunda­kennari í stjórn­skipunarrétti við Háskólann í Reykja­vík.