Veðurstofan hefur tekið tvo nýja dróna í notkun til að nota við vöktun og mælingar. Þá er hægt að nota í nákvæmar yfirborðsmælingar, til að kortleggja óaðgengileg og hættuleg svæði og til að fá skýra yfirsýn yfir aðstæður á vettvangi. Annar dróninn er með sérhæfða kortalagningarmyndavél með aðdráttarlinsu en hinn með litmyndavél og hitamyndavél. Hægt er að nota drónana til að vakta hraun og gera áhættumat á jarðhitasvæðum auk þess sem endurteknar mælingar geta sýnt breytingar á yfirborði og hitastigi.