2,4 tonn af kókaíni voru gerð upptæk af smyglbát í aðgerðum franska sjóhersins í samvinnu við bandarísk yfirvöld á Kyrrahafi í gær. Ekki kemur fram hverrar þjóðar áhöfnin er eða frá hvaða höfn báturinn sigldi frá. Áhöfnin fékk að halda áfram leið sinni eftir að kókaínið var gert upptækt, í samræmi við starfshætti undir alþjóðalögum. Síðastliðinn mánuð hafa frönsk yfirvöld gert tæp 12 tonn af kókaíni upptæk nærri Pólinesíu. Þar af voru á þrjár aðgerðir þar sem milli tvö og fimm tonn voru gerð upptæk í hvert sinn. Sameinuðu þjóðirnar hafa sagt að skipulögð glæpastarfsemi og smygl á kókaíni og metamfetamíni hafi aukist mikið í Kyrrahafi. Umfangsmiklu magni er smyglað af eiturlyfjum frá Norður- og Suður-Ameríku til Ástralíu og Nýja-Sjálands. Á síðasta ári gerði franski sjóherinn 87,6 tonn af eiturlyfjum upptæk á heimsvísu, þar af 58 kíló af kókaíni.