Íbúar vestast á landinu mega eiga von á vaxandi hvassviðri í dag og síðdegis fer að snjóa um sunnanvert landið. Öllu hægara verður norðantil þar sem útlit er fyrir hæga norðlæga átt og smáél við norðurströndina. Frost verður allt að átján stig, sem fyrr kaldast inn til landsins, en allra syðst verður líklega frostlaust í kvöld. Veðurspáin er svohljóðandi: Vaxandi austanátt vestast og fer að snjóa um landið sunnanvert síðdegis, þrettán til tuttugu metrar á sekúndu og snjókoma sunnantil í kvöld. Hæg norðlæg átt og smáél við norðurströndina. Frost 3 til 18 stig, kaldast inn til landsins. Frostlaust allra syðst í kvöld. Norðaustlægari á morgun og dregur úr vindi og ofankomu, en snjókoma fyrir norðan annað kvöld. Minnkandi frost.