Hringvegur undir Eyjafjöllum var lokaður vegna bíla sem sátu fastir. Vegurinn hefur verið opnaður aftur. Þetta segir á vef Vegagerðarinnar, umferdin.is . Þá hefur þjóðvegur 1 á milli Markarfljóts og Mýrdalssands verið á óvissustigi frá því klukkan 17 en metið verður í fyrramálið hve lengi það stendur yfir. Honum var lokað fyrr í kvöld en hann er opinn sem stendur. „Miklar líkur eru á að færð spillist í kvöld og að þjóðvegur 1 verði ófær í nótt á svæðinu. Getur verið lokað fyrir umferð með litlum sem engum fyrirvara ef færð spillist það hratt að ekki hefst undan að hreinsa vegi á þjónustutíma,“ segir á vef Vegagerðarinnar. Hér má sjá hvar hringvegurinn er lokaður.umferdin.is / Vegagerðin