Viðburður Félags atvinnurekenda um veikindi á vinnumarkaði verður haldinn á Grand Hótel Reykjavík í dag en veikindafjarvistir frá vinnu hafa verið til umræðu að undanförnu. Atvinnurekendur hafa lýst áhyggjum af umfangi veikindafjarvista og sprottið hefur upp umræða um samspil vinnumarkaðar og heilbrigðisþjónustu. Á fundinum verður fjallað um þetta málefni ásamt því hvernig hægt verði að bregðast við stöðunni. Fundurinn hefst kl. 15:00 og er einnig aðgengilegur í beinu streymi hér: Dagskráin er eftirfarandi: 15.00 Anna Kristín Kristjánsdóttir , varaformaður FA, setur fundinn 15.05 Ragnar Þór Ingólfsson, félags- og húsnæðismálaráðherra: Ávar 15.15 Gunnar Ármannsson , stjórnarmaður og lögmaður: Hverjar eru áskoranirnar varðandi nýtingu veikindaréttar og er unnt að breyta þeim? 15.30 Gylfi Dalmann Aðalsteinsson , prófessor í mannauðsstjórnun: Veikindi og fjarvistir starfsfólks: hlutverk mannauðsstjórnunar í forvörnum og stuðningi 15.45 Halla Gunnarsdóttir , formaður VR: Traust, virðing og samvinna: samskipti launafólks og atvinnurekenda þegar heilsan brestur 16.00 Sigríður Dóra Magnúsdóttir , forstjóri Heilsugæslu höfuðborgarsvæðisins: Vinnum saman – Minnkum fjarvistir, fækkum vottorðum 16.15 Bjarni Kristjánsson , þjónustustjóri hjá Visku stéttarfélagi: Aftur til starfa eftir veikindi eða slys 16.30 Pallborðsumræður með þátttöku frummælenda 17.15 Fundarlok og léttar veitingar Fundarstjóri er Ólafur Stephensen , framkvæmdastjóri FA.