Umbót í Reykjanesbæ sem fékk einn bæjarfulltrúa í Reykjanesbæ í kosningum fyrir fjórum árum hefur ákveðið að leggja sig niður og ganga til liðs við Sjálfstæðisflokkinn. Flokkarnir hafa starfað saman í minnihluta á kjörtímabilinu. Margrét Þórarinsdóttir bæjarfulltrúi gengur til liðs við Sjálfstæðisflokkinn ásamt fulltrúum Umbótar í nefndum bæjarins. Margrét var áður bæjarfulltrúi Miðflokksins. Tillaga uppstillingarnefndar Sjálfstæðisflokksins að framboðslista verður lögð fyrir fulltrúaráð flokksins í Reykjanesbæ í kvöld. Margrét Þórarinsdóttir.RÚV / Bjarni Rúnars