Ísland mætir Englandi í dag í undankeppni HM kvenna í fótbolta 2027. Leikurinn er á The City Ground-vellinum í Nottingham, heimavelli Nottingham Forest. Uppselt er á leikinn og búist við tæplega 30.000 áhorfendum. Þetta er annar leikur liðanna í undankeppninni. Ísland tapaði fyrir Spáni á þriðjudag, 3-0, og England hafði betur gegn Úkraínu, 1-6, í leik sem var í Tyrklandi vegna stríðsins í Úkraínu. Efsta liðið í riðlinum kemst beint inn á HM, hin þrjú fara í umspil. Leikur Englands og Íslands verður í beinni útsendingu á RÚV kl. 12:30. Stofan hitar upp frá 11:50.