Skyrframleiðandinn Icelandic Provisions, sem starfar í Bandaríkjunum í samstarfi við Mjólkursamsöluna (MS), er langt kominn með að tryggja sér tæpan milljarð króna í fjármögnun með útgáfu breytanlegra skuldabréfa. Félagið hefur frá því í september 2025 tryggt sér tæplega 7,1 milljón dala í áskriftarloforð, eða sem nemur um 886 milljónum króna, samkvæmt skráningu hjá Verðbréfa- og kaupþingsnefnd Bandaríkjanna (SEC). Nítján fjárfestar hafa tekið þátt í útboðinu. Heimild er fyrir 7,7 milljóna dala útgáfu, eða sem nemur 964 milljónum króna. Frá árslokum 2015 til dagsins í dag hefur félagið fengið tæplega 80 milljónir dala í fjármögnun. Mjólkursamsalan á í dag 11,4% hlut í Icelandic Provisions í gegnum MS eignarhald ehf. en bókfært virði eignarhlutarins var 297 milljónir króna í lok árs 2024. VEX á sömuleiðis 11% hlut. Nánar er fjallað um málið í Viðskiptablaðinu . Áskrifendur geta nálgast fréttina í heild hér .