Snjóruðningstæki í Reykjavík óku sem nemur leiðinni á milli Keflavíkur og Kaupmannahafnar í nótt og morgun - snjóruðningsmenn fá litla hvíld, því snjókomu er spáð seinna í kvöld. Hjalti J. Guðmundsson, skrifstofustjóri borgarlandsins, segir að hafist hafi verið handa klukkan 4 í nótt og um 30 tæki fengin til verksins. „Ruðningslengdin er um 1.200 kílómetrar sem er sirka hringvegurinn. Síðan eru hjóla- og gönguleiðirnar um 850-870 kílómetrar,“ segir Hjalti. Þetta jafngildir samtals um það bil flugleiðinni á milli Keflavíkurflugvallar og Kastrup í Kaupmannahöfn. Þegar aftur fór að snjóa í morgun þurfti svo að endurtaka leikinn. Og áfram verður rutt í fyrramálið þurfa lóðir og bílastæði allra opinberra stofnanna í borginni að vera ruddar og svo er aftur spáð snjókomu í kvöld og nótt: