Icelandair hefur aflýst eða frestað öllu millilandaflugi félagsins í fyrramálið. Önnur félög sem fljúga áttu frá Keflavíkurflugvelli í fyrramálið hafa seinkað brottför. Þetta má sjá á vef Isavia. Innanlandsflug er enn á áætlun samkvæmt vefsíðu Isavia. Á vef Icelandair segir að hvassviðri kunni að hafa áhrif á flugáætlun. Á vef Isavia eru farþegar beðnir um að fylgjast vel með veðurspám og upplýsingum um flug. Vonskuveðri er spáð á stórum hluta landsins á morgun. Appelsínugul og gul viðvörun tekur gildi á öllu landinu í morgunsárið. Fréttin verður uppfærð.