Holtavörðuheiðinni var lokað eftir hádegi í gær en hefur nú verið opnuð.RÚV / Kristinn Þeyr Magnússon Búið er að opna fyrir umferð um Holtavörðuheiði og Öxnadalsheiði. Heiðunum var báðum lokað í gær vegna veðurs. Verið er að kanna aðstæður á vegum á Austurlandi og vonast er til að hægt verði að opna þar með morgninum. Blása þarf talsverðum snjó svo að hægt verði að opna Fjarðarheiði og Fagradal, unnið er að opnun en það gæti tekið tíma að opna veginn. Nánari upplýsingar um færð á vegum má nálgast á umferðin.is .