Í heimildarþáttunum Náttúran kallar ræðir Lára Zulima Ómarsdóttir við fólk sem býr í nánum tengslum við náttúruna og fer með því á uppáhaldsstaði þess. Hún skoðar svo náttúrgersemarnar með bandaríska ljósmyndaranum og ævintýramanninum Chris Burkard. Í síðasta þætti heimsótti Lára Helgu Björg Ingimarsdóttur sem býr á bænum Höfnum, nyrst á Skaga. Helga Björg segir náttúruna vera ástæðuna fyrir því að hún settist þar að. Auk þess er náttúrugimsteinn á landareigninni þar sem hún getur setið tímunum saman og hlustað á fuglana og öldugjálfrið. Smelltu hér til að horfa á þáttinn í spilara RÚV.