Á þessu ári munu Arion banki og Íslandsbanki greiða samtals rúmlega 28 milljarða króna í arð til hluthafa. Þar af greiðir Arion banki 15,7 milljarða króna í arð til hluthafa bankans, eða sem nemur 11,5 krónum á hlut. Þá greiðir Íslandsbanki 12,6 milljarða króna í arð, eða sem nemur 7,23 krónum á hlut. Þriðji bankinn sem skráður er á aðalmarkað, Kvika banki, greiðir 1,6 milljarða króna í arð til hluthafa, eða sem nemur 0,36 krónum á hlut. Nemur arðgreiðslan 25% af hagnaði samstæðu Kviku eftir skatta, sem er í samræmi við arðgreiðslustefnu bankans. Lífeyrissjóðir eru stærstu hluthafar bankanna þriggja. Nánar er fjallað um málið í Viðskiptablaðinu . Áskrifendur geta lesið fréttina í heild hér .