Innlent | Morgunblaðið | 25.4.2026 | 12:18 Fjarskipti versnað mikið eftir brotthvarf 2G og 3G Stefán E. Stefánsson [email protected] Setja bókamerki Samantekt 12:18 Frétt: Fjarskipti versnað mikið eftir brotthvarf 2G og 3G 07:18 Frétt: Takast á um virkjunarkosti 20:30 Frétt: Myndir: Fjölmenni á borgarafundi á Ísafirði 18:45 Frétt: Sjálfstæðisflokkur stekkur frá Samfylkingu Vesturbyggð stendur frammi fyrir sóknarfærum á komandi árum, sem er gjörbreyting frá því sem var frá níunda áratug síðustu aldar og fram á þann síðasta. Sveitarfélagið, sem varð formlega til í núverandi mynd 1. júní 2024 við sameiningu við Tálknafjarðarhrepp, hefur á síðustu árum tekið miklum breytingum. Atvinnulíf hefur styrkst, ekki síst með uppbyggingu fiskeldis, en um leið glímir sveitarfélagið við skuldabagga, brothætta innviði, húsnæðisskort og ágreining um hvernig tryggja eigi framtíðarfyrirkomulag í orkumálum. Tvö framboð takast á í kosningunum. Annars vegar N-listi Nýrrar sýnar undir forystu Þórkötlu Soffíu Ólafsdóttur og hins vegar nýr V-listi Sterkari Vesturbyggðar sem leiddur er af Hlyni Ársælssyni. D-listi Sjálfstæðisflokks og óháðra, sem fékk þrjá fulltrúa í aukakosningunum fyrir tveimur árum, býður ekki fram að þessu sinni. Hnignunarskeið að baki Þórkatla og Hlynur eru sammála um að sveitarfélagið hafi lengi glímt við afleiðingar samdráttar og fólksfækkunar en að viðspyrna hafi náðst sem enn sé að taka á sig mynd. Sú þróun er einkum rakin til fjárfestinga í fiskeldi og afleiddri starfsemi. „Við höfum verið í stórum fjárfestingum,“ segir Þórkatla og vísar þar meðal annars til nýrrar skólabyggingar á Bíldudal, viðbyggingar við leikskóla, malbikunarframkvæmda og annarra verkefna sem ráðist hefur verið í til að mæta uppsafnaðri innviðaskuld. Hún segir sveitarfélagið nú sjá fram á að geta farið að greiða niður skuldir og „taka til í rekstrinum“ eftir krefjandi ár. Hlynur lýsir stöðunni með því að draga upp stærri mynd og segir sunnanverða Vestfirði hafa gengið í gegnum nær óslitið hnignunarskeið frá því um 1980 fram til ársins 2015. „Lekinn hefur verið stöðvaður og uppbyggingin er að byrja,“ segir hann og bætir við að svæðið sé þó „ekki komið neitt nægilega langt ennþá samt“. Fiskeldið undirstaða Fiskeldið er sú atvinnugrein sem einblínt er á þegar atvinnulífið berst í tal. Bæði Þórkatla og Hlynur lýsa mikilli trú á framtíð greinarinnar og segja almenna sátt ríkja um hana á svæðinu, þrátt fyrir neikvæða umræðu annars staðar af landinu. „Ég hef alveg 100% trú á því,“ segir Hlynur þegar hann var spurður hvort fiskeldið eigi eftir að blómstra á svæðinu. Þórkatla tekur undir það og bendir á hraða tækniþróun og framfarir í rekstri fyrirtækjanna. Um leið segir hún að óskýrt regluverk hafi hamlað greininni. „Ramminn er að koma svolítið of hægt og eftir á,“ segir hún og nefnir lagareldisfrumvarpið, sem enn situr fast í þinginu, sem dæmi. Þau vilja bæði sjá meiri áframvinnslu afurða á svæðinu sjálfu. Hlynur segir „óplægðan akur“ felast í frekari vinnslu afurða og þjónustu við eldið. Hann nefnir jafnframt að betur hefði mátt standa að hagsmunagæslu svo að sláturhús hefði getað risið á Patreksfirði í stað annars staðar á Vestfjörðum. Þá berst talið einnig að því að höfnin á Patreksfirði er komin að þolmörkum. Þórkatla segir þrengsli þar valda vanda og bendir á að ekki sé sé enn tekið nægilegt tillit til fiskeldisins í ákvarðanatöku hins opinbera. „Það er ennþá svolítið þannig að fiskeldið er ekki alveg komið inn í kerfið,“ sagði hún. Ágreiningur um Vatnsfjörð Mestu pólitísku átökin í umræðunni birtist í orkumálum, einkum hugmyndum Orkubús Vestfjarða um virkjun í Vatnsfirði. Þar skilja leiðir framboðanna með afgerandi hætti. Hlynur vill að sveitarfélagið beiti sér af krafti fyrir virkjun þar, bæði til að tryggja afhendingaröryggi raforku og skapa nýjar tekjur. Hann lýsir raforkuástandinu sem „einstaklega slæmu“ og rifjar upp tilvik þar sem bæði rafmagni og fjarskiptum hefur slegið út. „Þetta raforkuöryggismál er mjög ógnvænlegur baggi,“ sagði hann. Þórkatla hafnar því ekki að orkuöryggi sé stórt mál en segir skýr gögn og niðurstöður stjórnvalda benda til þess að aðrir virkjunarkostir séu bæði raunhæfari og lengra komnir. Hún vísar til þess að ráðherra hafi metið það svo að skilyrði fyrir afléttingu friðlýsingar í Vatnsfirði séu ekki uppfyllt. „Svar ráðherra er skýrt,“ segir hún. Að hennar mati ætti frekar að leggja áherslu á aðra kosti og að styrkja flutningskerfið. Húsnæði og fjarskipti Frambjóðendur eru einnig sammála um að húsnæðisskortur, einkum skortur á leiguhúsnæði, hamli frekari fólksfjölgun. Fólk sem vilji flytja á svæðið treysti sér síður til að kaupa strax, sérstaklega í ljósi sögunnar. Þórkatla bendir á að eldri kynslóðir muni enn eftir því þegar eignir urðu verðlausar. „Fólk hérna á þessum svæðum man eftir því þegar allir fóru,“ sagði hún. Þá kom skýrt fram að fjarskiptamál væru alvarlegt hagsmunamál. Eftir að 2G- og 3G-kerfum var lokað hefur samband á mörgum leiðum versnað verulega. Lausnir hafa verið reyndar, meðal annars með Starlink-búnaði í skólabílum, en bæði framboð telja að ríkið og fjarskiptafyrirtæki verði að tryggja lágmarksöryggi. Í lok umræðnanna kemur einnig fram skýr pólitískur munur í Evrópumálum. Hlynur segist andvígur áframhaldandi viðræðum við Evrópusambandið en Þórkatla segist vera á „já-línunni“ og telur þjóðina hafa gott af því að fara í gegnum ferlið og kjósa síðan um niðurstöðuna. Kosningarnar í Vesturbyggð ráðast því ekki aðeins af daglegum rekstri sveitarfélagsins, heldur einnig af því hvaða leið kjósendur vilja fara í uppbyggingu atvinnulífs, innviða og samfélagsins til lengri tíma. Hlynur Ársælsson fer fyrir V-lista Sterkari Vesturbyggðar. Þórkatla S. Ólafsdóttir leiðir N-lista Nýrrar sýnar. Morgunblaðið/Kristófer Liljar Fáðu aðgang að þessari grein Með áskrift færðu fullan aðgang að öllum læstum greinum Árvakurs — vandað, fjölbreytt og traust efni, hvar og hvenær sem er. Þannig styður þú íslenska fjölmiðlun og hjálpar okkur að halda áfram að segja sögurnar sem skipta máli. Tryggðu þér aðgang núna. Skoða áskriftarleiðir Innskráning Gleymt lykilorð? Kennitala: Lykilorð: Ertu ekki með notendaaðgang? Fara í nýskráningu . Fáðu þér áskrift til að lesa áfram Þú ert innskráð(ur) sem ... en ert ekki með áskrift. Aðgangur að þessari frétt í fullri lengd krefst áskriftar að Morgunblaðinu, rafræns aðgangs á borð við vikupassa eða séráskriftar að viðkomandi efnisflokki á mbl.is. Kynntu þér áskriftarleiðirnar Ég er nú þegar áskrifandi Ég er ekki með notendaaðgang 12:18 Fjarskipti versnað mikið eftir brotthvarf 2G og 3G Vesturbyggð stendur frammi fyrir sóknarfærum á komandi árum, sem er gjörbreyting frá því sem var frá níunda áratug síðustu aldar og fram á þann síðasta. Sveitarfélagið, sem varð formlega til í núverandi mynd 1 Meira 07:18 Takast á um virkjunarkosti Tvö framboð komu fram í Vesturbyggð fyrir komandi sveitarstjórnarkosningar. Ný sýn býður fram á ný en fulltrúar þess mynda meirihluta eftir aukakosningar sem haldnar voru 2024 í kjölfar þess að Vesturbyggð og Tálknafjarðarhreppur runnu saman í eitt Meira Í gær, 20:30 Myndir: Fjölmenni á borgarafundi á Ísafirði Fjölmenni var á borgarafundi Morgunblaðsins á Ísafirði á miðvikdag þar sem fulltrúar allra fimm framboða, sem bjóða fram í sveitarstjórnarkosningum í maí, sátu fyrir svörum. Meira Í gær, 18:45 Sjálfstæðisflokkur stekkur frá Samfylkingu Sjálfstæðisflokkurinn hefur aukið fylgi sitt í borginni og mælist stærstur allra flokka með 25% fylgi. Fylgi Samfylkingarinnar dalar um tæpt prósentustig og mælist flokkurinn með 21% fylgi. Meira Í gær, 17:19 Hvað þyrstir þig að vita? Við minnum á spurningaboxið , nýja og skemmtilega viðbót á kosningavef mbl.is , þar sem lesendum Morgunblaðsins og mbl.is gefst kostur á að beina spurningum beint til oddvita og/eða framboða í komandi sveitarstjórnarkosningum. Blaðamenn Morgunblaðsins og mbl.is munu svo velja nokkrar spurningarnar og bera undir frambjóðendur á kosningaferðalagi sínu vítt og breitt um landið. Markmiðið er að efla umræðu og auka aðgengi kjósenda að upplýsingum um stefnu og áherslur framboðanna ásamt því að stuðla að lýðræðislegri þátttöku kjósenda um allt land. Í gær, 17:00 X26: Reiði vegna samnings Vegagerðarinnar Sveitarstjórnarkosningar verða haldnar 16. maí, en þá verður efnt til kosninga í 62 sveitarfélögum landsins af öllum stærðum og gerðum. Meira Í gær, 14:10 Frábær borgarafundur fyrir vestan Í gær, 14:00 Heimgreiðslur og samgöngusáttmáli endurskoðaður Flokkur fólksins í Reykjavík kynnti málefnaskrá sína fyrir borgarstjórnarkosningarnar á fréttamannafundi í Tjarnarbíó í hádeginu í dag. Meira í fyrradag Listakosning í fyrsta sinn frá 1958 Upp eru runnin tímamót í Árneshreppi á Ströndum nú þegar gengið verður til sveitarstjórnarkosninga. Í fyrsta sinn síðan 1958 verður kosið milli framboðslista í þessu nyrsta sveitarfélagi Strandasýslu Meira í fyrradag í fyrradag í fyrradag Skólamál, uppbygging og samgöngur í brennidepli Skólamál, húsnæðisuppbygging og samgöngur voru meðal helstu umræðuefna á borgarafundi Morgunblaðsins og mbl.is í Ísafjarðarbæ vegna sveitarstjórnarkosninganna. Fimm oddvitar framboðanna í bænum komu þar saman og kynntu áherslur sínar fyrir komandi kjörtímabil. Meira í fyrradag Skuldsett en öflugt sveitarfélag Þegar blaðamaður sest niður með oddvitaframbjóðendunum tveimur sem leiða kosningabaráttuna í Stykkishólmi kemur fljótt í ljós að umræðan á vettvangi sveitarfélagsins snýst að verulegu leyti um hvernig finna megi jafnvægið milli áframhaldandi uppbyggingar og aðhalds í rekstri Meira 22.4. Samfylkingin skiptir um kosningastjóra Breytingar hafa verið gerðar á kosningastjórn Samfylkingarinnar í Reykjavík fyrir komandi borgarstjórnarkosningar. Meira 22.4. Vilja bjóða fjölbreyttari lausnir í leikskólamálum Sjálfstæðisflokkurinn leggur áherslu á breytingar sem hægt er að ráðast í strax fyrir komandi sveitarstjórnarkosningar. Flokkurinn vill ráðast í lausnir í leikskóla- og daggæslumálum og blása til sóknar í grunnskólamálum og samgöngumálum. Meira Sýna meira Nýjast á mbl.is » Fjarskipti