Þröstur B. John­sen hefur sótt um að fá land út­hlutað fyrir 120 her­bergja hótel­byggingu í Há­steins­gryfju í Vest­manna­eyjum. Með erindinu sendi hann inn fjórar hug­myndir að mögu­legu út­liti hótelsins. Um­hverfis- og skipu­lags­ráð tók málið fyrir og vísaði því til bæjarráðs. Þetta kemur fram í fundar­gerð um­hverfis- og skipu­lags­ráðs Vest­manna­eyja­bæjar. Með erindinu fylgdu fjórar hug­myndir að mögu­legu út­liti hótelsins, auk af­rits af deili­skipu­lagi íþrótta­svæðisins við Há­stein sem gerir ráð fyrir lóð fyrir hótel í Há­steins­gryfju. Þá fylgdi einnig fyrir­spurn um hótel í Há­steins­gryfju og af­rit af svar­bréfi varðandi hótel á svæðinu frá árinu 2011. Niður­staða ráðsins var að um væri að ræða lóð sem ekki væri til út­hlutunar. Þá hefði ráðið ekki heimild til að af­greiða erindið og vísaði því málinu til bæjarráðs til með­ferðar. Ein fjögurra hugmynda sem fylgdu umsókninni. © Skjáskot (Skjáskot) Hug­myndir um hótel­upp­byggingu í Há­steins­gryfju hafa áður komið til skoðunar. Í svar­bréfi Vest­manna­eyja­bæjar frá septem­ber 2011 kemur fram að þáverandi erindi snerist um um­sókn um byggingu hótels í Há­steins­gryfju. Þar var óskað eftir leyfi til að byggja hótel í malarnámu við Há­stein. Ein fjögurra hugmynda sem fylgdu umsókninni. © Skjáskot (Skjáskot) Í af­greiðslu um­hverfis- og skipu­lags­ráðs árið 2011 sagði að ráðið væri hlynnt upp­byggingu á svæðinu en gæti ekki orðið við erindinu þar sem aðal­skipu­lag svæðisins væri með öðrum hætti en hug­myndir um­sækjanda gerðu ráð fyrir. Ráðið fól þá skipu­lags- og byggingar­full­trúa fram­gang málsins. Ein fjögurra hugmynda sem fylgdu umsókninni. © Skjáskot (Skjáskot) Há­steins­gryfja er því aftur komin til um­ræðu sem mögu­legur hótel­reitur. Sam­kvæmt nýja erindinu er gert ráð fyrir 120 her­bergja hóteli, en málið er nú komið inn á borð bæjarráðs. Ein fjögurra hugmynda sem fylgdu umsókninni. Ein fjögurra hugmynda sem fylgdu umsókninni.