Keflvíkingar.RÚV / Mummi Lú Keflavík vann 94-86 sigur á Grindavík í efstu deild kvenna í körfubolta. Grindavík var þremur stigum yfir í hálfleik, 44-47. Munurinn var eitt stig Keflvíkingum í vil, 64-63, að þremur leikhlutum loknum. Heimakonur í Keflavík voru mun sterkari í fjórða leikhluta og uppskáru átta stiga sigur. Toppbaráttan er ansi hörð og jöfn í deildinni en með sigrinum kemst Keflavík nær henni. Keflavík er með 20 stig í 6. sæti en Grindavík er sæti ofar með 22 stig. Njarðvík leiðir deildina með 26 stig en Valur, Haukar og KR eru jöfn í 2. til 4. sæti með 24 stig.