Efla á samræmingu og samþættingu bráðaþjónustu á vettvangi slysa og veikinda. Þá á að fara fram heildarendurskoðun reglugerðar um framkvæmd og skipulag sjúkraflutninga. Þetta er meðal þess sem kemur fram í nýjum drögum að aðgerðaáætlun fyrir sjúkraflutninga og bráðaþjónustu utan heilrbigðisstofnana. Heilbrigðisráðuneytið birti áætlunina í samráðsgátt í dag og er umsagnarfrestur til 4. mars. Markmið áætlunarinnar að efla gæði og öryggi bráðaþjónustu Áætlunin er unnin af vinnuhópi, skipuðum breiðum hópi hagaðila og fagfólki sem tengist málefnum sjúkraflutninga og bráðaþjónustu um allt land. Í tilkynningu segir að markmið áætlunarinnar er að efla gæði og öryggi bráðaþjónustu um allt land og leggja grunn að áframhaldandi þróun öflugrar, samræmdrar og sjúklingamiðaðrar bráðaþjónustu á Íslandi til framtíðar.