Sam­runa­viðræðum Ís­lands­banka og Skaga, móðurfélags VÍS, Fossa og Ís­lenskra verðbréfa, var slitið um helgina í kjölfar þess að stjórn Ís­lands­banka taldi að for­sendur sam­runans hefðu breyst þannig að breyta þyrfti gagn­gjaldi sem lagt var upp með í skilmála­skjali félaganna frá 6. október 2025. Í til­kynningu bankans er vísað til vænta aukinna eigin­fjárkrafna Seðla­banka Ís­lands vegna eignar­halds bankans á tryggingafélagi, þróunar á markaðsvirði félaganna og niður­staðna greininga úr sam­runa­ferlinu. Í til­kynningu bankans er vísað til vænta aukinna eigin­fjárkrafna Seðla­banka Ís­lands vegna eignar­halds bankans á tryggingafélagi, þróunar á markaðsvirði félaganna og niður­staðna greininga úr sam­runa­ferlinu. Skagi svaraði því til að Ís­lands­banki hefði lagt fram „veru­legar breytingar á gagn­gjaldi“ sem færu út fyrir um­samda skilmála og endur­spegluðu „engan veginn“ virði Skaga í sam­einuðu félagi. Sam­kvæmt heimildum Við­skipta­blaðsins var hlut­höfum Skaga áfram boðinn 15% hlutur í sam­einuðu félagi þótt gagn­gjaldið hefði verið lækkað í breytingar­tillögum Ís­lands­banka. Þetta getur gengið upp á ýmsa vegu þar sem fjöldi hluta sem þarf að gefa út til að ná 15% getur breyst. Ákvörðun Fjármálaeftirlits Seðlabanka Íslands hins vegar um að íhuga að blýhúða regluverk í kringum banka sem eiga tryggingafélag undir lok árs 2025 hafði einnig töluverð áhrif. Áskrif­endur geta lesið ítar­lega um­fjöllun Við­skipta­blaðsins um viðræðuslit Skaga og Ís­lands­banka hér .