Ís­lenska krónan styrktist nokkuð hressi­lega í gær og hefur gengi krónunnar gagn­vart evru ekki verið sterkara það sem af er ári. Sér­fræðingar á mörkuðum telja gengis­styrkingu gær­dagsins megi rekja til fregna af því að ís­firska fyrir­tækið Kerecis muni greiða 40 milljarða skatt í ríkis­sjóð Ís­lands vegna kaupa danska móðurfélagsins, Colop­last, á hug­verkaréttindum úr dóttur­félaginu. Guð­mundur Fer­tram Sigur­jóns­son, stofnandi Kerecis og nú fram­kvæmda­stjóri hjá Colop­last, sagði í sam­tali við Morgun­blaðið í gær að ein­greiðslan muni fara fram í haust. Colop­last hefur heimild sam­kvæmt lögum til þess að dreifa greiðslunni yfir allt að sjö ára tíma­bil en sam­kvæmt árs­hluta­reikningi var tekin ákvörðun um að nýta hana ekki. Krónan hefur á árinu styrkt sig um rúm 2% gagn­vart evrunni og hefur evran farið úr 147 krónum í 144 krónur á tíma­bilinu. Gengi evrunnar féll úr 145 krónum í 144 krónur í gær eftir að fregnir bárust af yfir­vofandi greiðslu Kerecis. Krónan hefur einnig styrkt sig gagn­vart Bandaríkja­dal á árinu og hefur dalurinn farið úr 125 krónum í 122 krónur sem sam­varar um 2,4% styrkingu. Sé horft á síðastliðið ár hefur krónan styrkt sig um 12% gagn­vart Bandaríkja­dal og hefur dalurinn farið úr 139 krónum í 122 krónur.