Fjögur félög í kaup­höllinni báru ábyrgð á um 70% af öllum arð­greiðslum og endur­kaupum í fyrra. Jón Finn­boga­son fram­kvæmda­stjóri Stefnis hvetur stjórn­endur skráðra félaga til að huga að verðlagningu þegar kemur að endur­kaupum. Endur­kaup eigin bréfa eru orðin eitt helsta verk­færi skráðra félaga til að skila um­fram­fé til eig­enda og þar vegur banka­geirinn þungt. Í bréfi sem Jón Finn­boga­son, fram­kvæmda­stjóri Stefnis, sendi eig­endum sjóða félagsins segir hann að þrátt fyrir mót­vind á inn­lendum hluta­bréfa­markaði hafi rekstur margra félaga gengið vel og fjár­magni hafi verið skilað út með bæði endur­kaupum og arði. Í bréfinu bendir Jón á að greiðslur skráðra félaga til hlut­hafa, með endur­kaupum og arð­greiðslum, hafi numið sam­tals 118 milljörðum króna á árinu 2025, þar af 33 milljörðum skilað með endur­kaupum og 85 milljörðum í arð­greiðslum. Þá bendir hann á að 68% af heildarfjárhæðinni komu frá fjórum félögum. Jón segir að aukinn skilningur og áhersla á endur­kaup sé jákvæð þróun hjá félögum í kaup­höllinni á Ís­landi. Af­komu í framtíð er þá skipt á milli færri hluta í félaginu. Það eykur arð­semi þeirra eig­enda sem eftir standa í félaginu. Hins vegar skiptir rétt verð miklu máli þegar félög ráðast í endurkaup. Sam­hliða bréfi til sjóðs­félaga birti Stefnir árs­upp­gjör. Í lok árs 2025 voru eignir í virkri stýringu hjá Stefni um 379 milljarðar króna sem var 43 milljörðum krónum meira en í upp­hafi árs, og nemur 12,8% hækkun á árinu. Hækkunin skýrist að mestu af inn­flæði í ný­stofnaða sjóði ásamt ávöxtun á árinu. Áskrif­endur geta lesið bréf Jóns til sjóðs­félaga ásamt um­fjöllun um endur­kaup og arð­greiðslur skráðra félaga hér.