Daði Kristjánsson, framkvæmdastjóri Visku sjóða, veltir því upp hvort ríkis­stjórnin sé viljandi að halda efna­hags­málum hér á landi í ólestri á sama tíma og hún vilji auka stuðning við inn­göngu Ís­lands í Evrópu­sam­bandið. Þetta segir Daði í færslu á Face­book í morgun í kjölfar þess að Seðla­banki Ís­lands hækkaði stýri­vexti um 0,25 pró­sentur. Hann kveðst telja vaxtaákvörðunina mjög skiljan­lega, enda sé hlut­verk bankans sam­kvæmt lögum að ná verðbólgu að 2,5 pró­senta mark­miði. Daði segir að svo virðist vera að Seðla­bankinn virðist vera „einn í liði“ í þeirri baráttu og bendir máli sínu til stuðnings á helsta undir­lið verðbólgunnar, hækkun á opin­berri þjónustu. „Við erum í skrítinni stöðu. Við erum með ríkis­stjórn sem vill troða okkur í ESB og maður hrein­lega spyr sig hvort ríkis­stjórnin sé að reyna að hafa efna­hags­málin hér heima í al­gjörum ólestri til þess að auka líkurnar á að fólk velji að fara í ESB. Við þurfum að fara rífa okkur í gang hérna heima og taka ábyrgð á okkur sjálfum. Daði tengir þessa þróun við pólitíska um­ræðu um Evrópu­sam­bandið og að það sé tálsýn að þar finnist töfralausn. „Það eru engar töfra­lausnir, og ESB er svo sannar­lega ekki töfra­lausn heldur efna­hags­lega hnignandi sam­band eins og allir sjá sem kynna sér málin.”