Á aðalfundi Síldarvinnslunnar hf. var samþykkt að arðgreiðsla á árinu 2026 vegna rekstrarársins 2025 verði 1,67 kr. á hlut eða samtals 3.075 milljónir króna. Fundurinn var haldinn í Safnahúsinu í Neskaupstað og rafrænt í gær. Fundinn sóttu hluthafar fyrir um 88% hlutafjár. Á fundinum var samþykktur ársreikningur Síldarvinnslusamstæðunnar og einnig móðurfélagsreikningur. Starfskjarastefna var samþykkt í óbreyttri mynd og samþykkt að stjórnarlaun vegna ársins 2026 verði eftirfarandi: Formaður verði með kr. 750.000 á mánuði en aðrir stjórnarmenn með kr. 500.000. Varamenn með kr. 250.000 á mánuði. Kosning stjórnar félagsins Í stjórn félagsins voru kjörin Anna Guðmundsdóttir, Baldur Már Helgason, Erla Ósk Wissler Pétursdóttir, Guðmundur Rafnkell Gíslason og Þorsteinn Már Baldursson. Varamenn voru kjörnir Ingi Jóhann Guðmundsson og Katla Þorsteinsdóttir.