Alvotech stefnir að því að senda bandaríska Matvæla- og lyfjaeftirlitinu (FDA) fjórar umsóknir á fyrri hluta árs, vegna líftæknilyfjahliðstæðna sem fengu synjunarbréf í fyrra eftir úttekt FDA í verksmiðju félagsins í Reykjavík. Róbert Wessman segir að það verði stór tímamót fyrir félagið. Félagið vinnur nú að því að bæta við annarri framleiðsluaðstöðu í Bandaríkjunum fyrir hluta af lyfjaframleiðslu sinni, á sama tíma og Róbert Wessman, stofnandi og stjórnarformaður, sér einnig fyrir sér frekari uppbyggingu hér á landi. Í árslok 2025 var félagið með fimm líftæknilyfjahliðstæður á markaði, þar af tvær í Bandaríkjunum, og skilaði 593,2 milljónum dala í árstekjur. Í samtali við Viðskiptablaðið segist Róbert eiga von á því að sækja um hjá FDA á öðrum ársfjórðungi þessa árs en umsóknarferlið er að hans sögn á góðu róli. „Það verða stór tímamót fyrir félagið að klára það,“ segir Róbert en um er að ræða líftæknilyfjahliðstæður við Simponi, Simponi Aria, Prolia/Xgeva og Eylea Sjá einnig Nálægt því að missa stöðu sína sem ein­hyrningur Á árinu 2025 jók Alvotech tekjur sínar um 21% og leiðrétta EBITDA um 27% í 137,1 milljón dala. Á árinu 2025 jók Alvotech tekjur sínar um 21% og leiðrétta EBITDA um 27% í 137,1 milljón dala. Samkvæmt IFRS-uppgjöri námu tekjurnar 588,9 milljónum dala og hagnaður eftir skatta 27,9 milljónum dala. Þótt uppgjörið sýni áframhaldandi vöxt er ljóst að tímabundin synjun FDA hafði áhrif á tekjur og hagnað seinni hluta árs. Róbert segir töfina hjá FDA hafa verið mjög óheppilega, ekki síst í ljósi þess að félagið hafði farið í gegnum aðrar úttektir skömmu áður með litlum eða engum athugasemdum. Áskrifendur geta lesið ítarlegt viðtal Viðskiptablaðsins við Róbert hér en þar fer hann yfir fer yfir rekstur félagsins, framtíðarsýn í nýju hlut­verki og hluta­bréfa­verð.