Innlent | Morgunblaðið | 28.3.2026 | 19:54 Reyni að koma nemendum til manns „Að bjóða fjölbreytt nám við skólann og gera nemendur víðsýna er mikil áskorun samtímis því að halda í mjög sterk sérkenni,“ segir konrektor um stefnu stjórnenda MR. Ljósmynd/Menntaskólinn í Reykjavík Atli Steinn Guðmundsson [email protected] Setja bókamerki „Þetta hljómar náttúrulega mjög dramatískt, nú er búið að ræða þetta með latínuna áður, en þetta er vissulega breyting,“ segir Trausti Þorgeirsson, konrektor Menntaskólans í Reykjavík, í samtali við Morgunblaðið um breytingar á námskrá skólans sem taka munu gildi frá hausti og hafa í för með sér fækkun námseininga til stúdentsprófs í öllum deildum í 205 einingar. Það sem Trausti segir dramatískt er tölvupóstur sem nemandi við skólann sendi helstu fjölmiðlum landsins nú í vikunni. Frétt af mbl.is Fækka einingum í MR Skrifar nemandinn þar um bréf til nemenda skólans frá Sólveigu G. Hannesdóttur rektor þar sem breytingarnar séu kynntar en þær séu gerðar þrátt fyrir „kröftug mótmæli nemenda, kennara og annarra velunnara MR“ og segir í framhaldinu: „Samkvæmt lögum um [framhaldsskóla] frá 2008 er lægsti einingafjöldi til íslensks stúdentsprófs 200 einingar. Þetta bitnar helst á eðlisfræðideild I sem áður hefur verið 215 einingar og fornmáladeild sem áður hefur verið 213 einingar.“ „Rektor er ekki tungumálakennari“ Í bréfinu segi rektor „upplýsingaóreiðu hafa verið í kringum umfjöllun um skólann í fjölmiðlum“ og telji breytingarnar smávægilegar. „Í stað latínu á fyrsta ári fara allir málabrautanemendur í inngangsáfanga í tungumálum þar sem fornmál verða m.a. kynnt. Rektor lætur hjá líða að nefna beinum orðum að eiginleg latínukennsla skerðist með þessu úr þremur árum í tvö á fornmálabraut. Það er upplýsingaóreiða, því það telst ekki smávægileg breyting, heldur söguleg skerðing á latínunámi á landsvísu. Rektor er ekki tungumálakennari en telur felast einhvern grunn í því að hlusta á einhverja kynningu á því sem ekki er kennt. Þetta telja nemendur ámælisvert.“ Frétt af mbl.is „Viljum blása til stórsóknar á málabraut“ Segir sendandi tölvupóstsins að ýmsum nemendum hafi orðið um og ó yfir bréfi rektors þar sem talað sé til nemenda „ líkt og þeir séu leikskólabörn að horfa á brúðubílinn, með fullri virðingu fyrir þeirri bifreið“. Vitnar hann því næst í bréf rektors. „Við reynum alltaf að fjalla á jákvæðan og uppbyggilegan hátt um skólann, námið félagslífið og frábæra nemendur hér, á samfélagsmiðlum og í fjölmiðlum.“ Eru lokaorð nemandans eftirfarandi: „Í bréfi rektors er ítrekað og feitletrað minnt á að breytingarnar bitni ekki á núverandi nemendum skólans. En um leið feitletrað að nýnemar frá og með næsta hausti þurfi að sæta þessari meðferð. Nemendur velta því fyrir sér hversvegna nýnemar frá og með næsta hausti eigi að fá lakara stúdentspróf en þeir.“ Á forsendum fornmáladeildar Trausti konrektor segir stjórnendur skólans reyna með boðuðum breytingum að leysa nokkur vandamál í einu. „Við erum að reyna að mæta betur óskum nemenda. Langflestir nemendur á málabraut hafa farið í nýmáladeild og þar hafa þeir greinilega minni áhuga á latínu, en við erum að halda í latínu á nýmáladeild með því að hafa hana á öðru ári. Þá er búið að aðgreina deildirnar og nemendur á öðru ári læra þá latínu í nýmáladeild á sínum forsendum sem hefur verið vandamál undanfarin ár vegna þess að þessu hefur verið grautað saman á fyrsta ári hjá þeim sem stefna á nýmáladeild og þeim sem stefna á fornmáladeild,“ segir Trausti. Frétt af mbl.is „Mega hlutir ekki vera krefjandi lengur?“ Hann segir námið hafa farið fram á forsendum fornmáladeildar, nokkuð sem kennurum hafi sjálfum þótt óheppilegt. Margar lausnir komi þarna til greina en stjórnendur hafi kosið þá leið að hafa latínuna á öðru ári fyrir þann langstærsta hóp nemenda skólans sem velji málabraut. Áhyggjur af of þungri latínu „Samkvæmt okkar tillögum minnkar latínukennsla vitanlega eitthvað hjá þeim sem fara í fornmáladeild en þeir hafa verið fáir, nú eru færri en tíu nemendur í fornmáladeild sem í heilum skóla er mjög lítið. Við erum bara að reyna að horfa í lausnir og höfum rætt þetta við fornmálakennarana. Málfræðigrunnur nemenda er orðinn lélegri en áður og það er erfitt að koma öllum á sömu blaðsíðu vegna þess hve ólíkan undirbúning nemendur hafa úr grunnskóla. Þess vegna erum við að bæta þarna inn áfanga sem heitir Inngangur að tungumálum og þar er til dæmis hægt að kynna latínu sem grein og koma öllum á sama stað,“ segir konrektor. Hann segir skólastjórnendur hafa haft af því áhyggjur að latínan á fyrsta ári hafi verið of þung og komið of bratt inn fyrir nemendur. Stefnt sé að því að fá fleiri góða nemendur inn á málabraut, sérstaklega í fornmáladeildina. Frétt af mbl.is Latínudeilan: „Misbýður hroki rektors“ „Við vonumst til þess að þessi breyting laði fleiri nemendur að deildinni. Ég efast um að þessi fækkun um nokkra tíma í latínu valdi stórskaða en auðvitað kemur til greina til lengri tíma að auka þá fjölda latínutíma á öðru og þriðja ári, sérstaklega í fornmáladeildinni,“ segir hann. Styttingin var stóra breytingin Aðspurður segir Trausti það alls ekki vilja skólastjórnenda að kennsla í fornmálum deyi drottni sínum. „Við höfum haldið úti fornmáladeild í áratugi á meðan þær hafa horfið í öðrum skólum, ég var einmitt að tala við konrektorinn í MH sem var einn af síðustu nemendum á fornmálabraut þar og það var árið 1996,“ segir Trausti. Hann segir tímana breytast og mennina með og í MR tjói ekki að berja hausnum við steininn, breyta engu og vonast bara til þess að á endanum nái samfélagið að laga sig að MR, fremur þurfi skólinn að laga sig að samfélaginu. Trausti segir breytingarnar nú minni háttar, stóra breytingin hafi orðið fyrir áratug þegar nám til stúdentsprófs var stytt úr fjórum árum í þrjú. Þurfi að öðlast víðsýni „Stóra áskorunin þá var að reyna að finna á hverju nemendur hefðu áhuga og hvað væri hægt að gera til að þeir hefðu áfram aðgang að metnaðarfullu námi því það er það sem MR vill standa fyrir. Þá var farin sú leið að halda í sérhæfingu deilda, meðal annars með því að ekki ein einasta kennslustund í latínu var skert í fornmáladeild, engin kennslustund í eðlisfræði í eðlisfræðideild og engin í líffræði í náttúrufræðideild,“ segir Trausti og kveður þessa ákvörðun hafa reynst vel að mörgu leyti. Frétt af mbl.is „Minni kröfur, lélegri markmið. Það er því miður staðreynd“ „Framhaldsskólanám er hins vegar ekki bara sérhæfing, við erum að reyna að hjálpa nemendum að verða að manneskjum og þeir þurfa að öðlast einhverja víðsýni. Þess vegna hefur MR alltaf lagt mikla áherslu á sögukennslu og nemendur eru mjög ánægðir með það. Að bjóða fjölbreytt nám við skólann og gera nemendur víðsýna er mikil áskorun samtímis því að halda í mjög sterk sérkenni. Við viljum til dæmis að nemendur í náttúrufræðideild fái frábæran undirbúning fyrir inntökupróf í læknadeildina í HÍ og margir nemendur í eðlisfræðideild stefna á verkfræðinám og við viljum veita góðan undirbúning þar,“ heldur hann áfram. Segir Trausti að lokum að latínumálið sem slíkt eigi ekki að vera einhver barátta, fremur áskorun. Fáðu aðgang að þessari grein Með áskrift færðu fullan aðgang að öllum læstum greinum Árvakurs — vandað, fjölbreytt og traust efni, hvar og hvenær sem er. Þannig styður þú íslenska fjölmiðlun og hjálpar okkur að halda áfram að segja sögurnar sem skipta máli. Tryggðu þér aðgang núna. Skoða áskriftarleiðir Innskráning Gleymt lykilorð? Kennitala: Lykilorð: Ertu ekki með notendaaðgang? Fara í nýskráningu . Fáðu þér áskrift til að lesa áfram Þú ert innskráð(ur) sem ... en ert ekki með áskrift. Aðgangur að þessari frétt í fullri lengd krefst áskriftar að Morgunblaðinu, rafræns aðgangs á borð við vikupassa eða séráskriftar að viðkomandi efnisflokki á mbl.is. Kynntu þér áskriftarleiðirnar Ég er nú þegar áskrifandi Ég er ekki með notendaaðgang Nánar um málið í Morgunblaðinu Áskrifendur: Lesa blaðið hér Blogga um frétt Nánar um málið í Morgunblaðinu Áskrifendur: Lesa blaðið hér Nýjast á mbl.is » Kristófer skoraði í stórsigri Blaðamenn féllu í Líbanon Ísland og Kanda skildu jöfn Þúsundir mótmæltu í Lundúnum Haukar sneru taflinu við í seinni hálfleik Umræðan Skaði og Njörður Orkuöryggi heimsins í uppnámi Meira í Umræðunni » Fleira áhugavert Lögbann á veiðimenn sem brutu 30 lása Segir óvíst hvort Bandaríkin myndu aðstoða NATO Skatturinn gæti leitt til hærri vaxta Telja ferðamenn örugga við jökulinn Mest lesið Í gær Í vikunni Ísland yrði eitt ríkasta landið í ESB Erfið akstursskilyrði eftir klukkan 16 Engin blóðtengsl við fjölskyldu­sameiningu Lögbann á veiðimenn sem brutu 30 lása Fannst heill á húfi eftir snjóflóð á Ólafsfirði Ráðist á vagnstjóra og vagninum stolið Hætta hringsóli á bílastæðum Gæslan aðstoðaði lögregluna á Egilsstöðum Það er spurning hvar maður lendir Samgöngutruflanir eru líklegar Ráðist á vagnstjóra og vagninum stolið Ekki verður af samstarfinu við Klíníkina „Þú ert alveg á réttri leið“ Myndskeið: Hundruð við rætur jökulsins þegar bergskriða féll Páll vann fullnaðarsigur og HEF greiðir 21 milljón Stórfelld árleg hækkun gjalda Dæmdur til að greiða 142 milljónir í sekt Brýnt að eigendur eldri símtækja geri ráðstafanir Jók hraðann og ók utan í björgunarsveitarmann Gular viðvaranir vegna norðan hríðar Fylgstu með lægðinni ganga yfir Hamas-liðar á Höfðatorgi Snúningsdiskur barnabílstóls brotnaði við áreksturinn Ráðist á vagnstjóra og vagninum stolið „Ég er harmi slegin“ Ólafur Ragnar var í Lundúnavélinni Telur græðgi hafa stýrt för þegar banaslysið varð Þrjú lúxushús á 33 milljónir Fallið hátt hjá „ríkishirðfíflinu“ Jóni Gnarr Daði Már fékk uppsagnarbréf Nýjast á mbl.is » Kristófer skoraði í stórsigri Blaðamenn féllu í Líbanon Ísland og Kanda skildu jöfn Þúsundir mótmæltu í Lundúnum Haukar sneru taflinu við í seinni hálfleik Umræðan Skaði og Njörður Orkuöryggi heimsins í uppnámi Meira í Umræðunni » Fleira áhugavert Rúm hundrað bíða enn eftir plássi Fannst heill á húfi eftir snjóflóð á Ólafsfirði Ísland yrði eitt ríkasta landið í ESB Þúsundir mótmæltu í Lundúnum Mest lesið Í gæ