Greiningar­deild Lands­bankans spáir því að ár­s­verðbólga muni hækka úr 5,4 pró­sentum í 5,5 pró­sent í apríl. Sam­kvæmt nýrri mánaðar­skýrslu bankans er gert ráð fyrir að vísi­tala neyslu­verðs hækki um 1,03 pró­sent milli mánaða í apríl, áður en verðbólga taki aftur að hjaðna og mælist 5,2 pró­sent í maí og 4,9 pró­sent í júní. Í skýrslunni kemur fram að vísi­tala neyslu­verðs hækkaði um 0,55 pró­sent í mars og að ár­s­verðbólga fór þá úr 5,2 pró­sentum í 5,4 pró­sent, í samræmi við spá Lands­bankans. Verðbólgan hefur því verið yfir efri vik­mörkum verðbólgu­mark­miðs Seðla­bankans fjóra mánuði í röð og ekki mælst svo há síðan í septem­ber 2024. Greiningar­deildin segir að í mars hafi reiknuð húsa­leiga og verð á fötum og skóm hækkað minna en búist var við, en á móti hafi matar­karfan, bensín, um­hirða og félagsþjónusta hækkað meira en spáð var. Sér­stak­lega er bent á að matar­karfan hafi hækkað þriðja mánuðinn í röð meira en bankinn hafði gert ráð fyrir. Í skýrslunni segir einnig að fram­lag inn­fluttra vara til ár­s­verðbólgu hafi aukist nokkuð milli mánaða, sem skýrist að mestu af hækkandi bensín­verði vegna stríðsá­taka við Persaflóa. Á sama tíma hafi fram­lag húsnæðis til ár­s­verðbólgu dregist saman, bæði vegna hóf­legrar hækkunar reiknaðrar húsa­leigu í mars og þess að stór hækkunar­mánuður í húsnæðisliðnum hafi dottið út úr árs­grunninum. Verðbólgu­spá Lands­bankans kemur skömmu eftir að peninga­stefnu­nefnd Seðla­bankans hækkaði stýri­vexti um 0,25 pró­sentu­stig. Opinber þjónusta hefur hækkað verulega. Á sama tíma hafi fram­lag húsnæðis til ár­s­verðbólgu dregist saman, bæði vegna hóf­legrar hækkunar reiknaðrar húsa­leigu í mars og þess að stór hækkunar­mánuður í húsnæðisliðnum hafi dottið út úr árs­grunninum. Verðbólgu­spá Lands­bankans kemur skömmu eftir að peninga­stefnu­nefnd Seðla­bankans hækkaði stýri­vexti um 0,25 pró­sentu­stig. Í skýrslu bankans er bent á að tónn nefndarinnar hafi verið mun harðari en í febrúar og að framsýn leiðsögn hennar hafi verið skýr um að nefndin sé til­búin til að herða taum­hald peninga­stefnunnar frekar ef þess gerist þörf til að tryggja hjöðnun verðbólgu. Megin­vextir Seðla­bankans standa nú í 7,5 pró­sentum. Sam­hliða þessu hefur verðbólguálag á skulda­bréfa­markaði hækkað í mars, bæði til tveggja og fimm ára. Sjá einnig Skulda­bréfa­markaðurinn sendir SÍ óþægi­leg skila­boð Meðal­tal helstu mæli­kvarða á verðbólgu­væntingar hafi verið 4,0 pró­sent í mars og að raunstýri­vextir miðað við verðbólgu­væntingar hafi verið 3,3 pró­sent. Niður­staða greiningar­deildarinnar er því sú að verðbólgan eigi enn eftir að taka stuttan kipp upp á við í apríl áður en hún fer aftur lækkandi á vor­mánuðum, að því gefnu að spá bankans gangi eftir. Sjá einnig „Ein­falt ráð að lækka virðis­auka­skatt á mat­væli“