Heimsmarkaðsverð Brent hráolíu hefur lækkað um 14% í dag eftir að Bandaríkin og Íran komust að samkomulagi um tveggja vikna vopnahlé gegn tafarlausrar opnunar Hormússunds. Það stefnir í mestu lækkun hráolíuverðs innan dags í nokkur ár. Verð á framvirkum samningum með Brent hráolíu stendur í 93,8 dölum á tunnu þegar fréttin er skrifuð. Til samanburðar var verðið yfir 111 dölum í gær. Í umfjöllun WSJ segir að fjármálamarkaðir bíði fregna um hvort tankskip sem eru föst í Persaflóa geti hafið siglingar um sundið á ný og flutt mikilvægar olíu- og gasbirgðir. Íranski sjóherinn hefur sagt skipum á svæðinu að þau þurfi enn leyfi til að fara um Hormússundið. Sjá einnig Trump samþykkir tveggja vikna vopna­hlé gegn opnun Hor­mússunds