This article is a financial report for the Icelandic company Sýn and does not describe a security vulnerability, threat, or technical exploit. Therefore, none of the requested technical details (vulnerability description, CVSS score, affected versions, fixed version, or workaround) are applicable or present in the source material.
Sýn tapaði 291 milljón króna á fyrsta ársfjórðungi, samanborið við 344 milljóna króna tap á sama tíma í fyrra. Tekjur félagsins jukust um 3,6% milli ára og afkoma var umfram áætlanir stjórnenda. Heildartekjur Sýnar námu 5,5 milljörðum króna á fyrsta ársfjórðungi og jukust um 191 milljón króna frá sama tíma í fyrra. Leiðrétt fyrir áhrifum af Sendafélaginu nam tekjuvöxturinn 6,5%. Tekjur af kjarnastarfsemi félagsins, það er interneti, farsíma, fjölmiðlun og auglýsingasölu, jukust um 11,7% milli ára. EBITDAaL nam 842 milljónum króna á fjórðungnum og jókst um 44,9% frá fyrsta ársfjórðungi síðasta árs, þegar EBITDAaL nam 581 milljón króna. Rekstrartap félagsins fyrir fjármagnsliði og skatta dróst saman úr 141 milljón króna í 79 milljónir króna. Tap eftir skatta nam 291 milljón króna og minnkaði um 53 milljónir króna milli ára. Herdís Dröfn Fjeldsted, forstjóri Sýnar, segir fyrsta ársfjórðung staðfesta að aðgerðir og umbreyting síðasta árs séu að skila árangri. „Tekjur halda áfram að vaxa, EBITDAaL hækkar um nær helming á milli ára og handbært fé frá rekstri eykst,“ segir Herdís í tilkynningu. Fjölmiðlatekjur jukust mest í krónum talið Hún segir sameiningu vörumerkja undir merkjum Sýnar, einfaldara vöruframboð og samruna dótturfélaga inn í móðurfélagið hafa skilað lægri rekstrarkostnaði og bættri framlegð. Launakostnaður lækkaði um 6,1% milli ára og stöðugildi voru 375 á fjórðungnum, samanborið við 410 á fyrsta fjórðungi í fyrra. Tekjur af fjölmiðlun jukust mest í krónum talið, eða um 287 milljónir króna, og námu 1,9 milljörðum króna. Það jafngildir 17,3% hækkun milli ára. Í tilkynningu félagsins segir að auknar tekjur í fjölmiðlun skýrist meðal annars af verulegri fjölgun áskrifenda að íþróttastöðvum Sýnar. Farsímatekjur jukust um 13,8% og námu 908 milljónum króna, en auglýsingasala jókst um 9,4% og nam 658 milljónum króna. Á móti drógust tekjur af hýsingar- og rekstrarlausnum saman um 52,8%, tekjur af IoT-þjónustu lækkuðu um 45,2% og vörusala dróst saman um 5,5%. Tekjur frá Sendafélaginu námu 87 milljónum króna, samanborið við 223 milljónir króna á sama tíma í fyrra. Rekstrarkostnaður félagsins nam 4,3 milljörðum króna og lækkaði um 1% milli ára. Kostnaðarverð seldra vara og þjónustu nam 2,3 milljörðum króna og jókst um 2,7%, en félagið segir kostnaðarverð hafa lækkað milli ára að teknu tilliti til 97 milljóna króna aukins beins kostnaðar til Sendafélagsins vegna breytts rekstrarfyrirkomulags. Annar rekstrarkostnaður lækkaði um 1,1%. Fjárfestingar námu 837 milljónum króna og jukust um 358 milljónir króna milli ára. Hækkunin skýrist einkum af fjárfestingu í sýningarréttum á enska boltanum, sem var ekki inni í samanburðartölum fyrra árs, auk þess sem fjárfestingar á fyrsta fjórðungi 2025 voru óvenjulega lágar. Fjárfestingar í sýningarréttum námu 586 milljónum króna á fjórðungnum. Afskriftir námu 1,2 milljörðum króna og jukust um 17% milli ára, einkum vegna aukinna afskrifta á sýningarrétti á enska boltanum. Á móti lækkuðu afskriftir rekstrarfjármuna eftir sölu eigna til Sendafélagsins. Handbært fé frá rekstri nam 1,1 milljarði króna og jókst um 206 milljónir króna milli ára. Félagið fékk 938 milljóna króna greiðslu frá Sendafélaginu vegna endurgreiðslu seljandaláns og nýtti hana til niðurgreiðslu skulda. Rekstrarlán lækkuðu um 908 milljónir króna á fjórðungnum. Hreinar vaxtaberandi skuldir án leiguskuldbindinga námu 5,7 milljörðum króna í lok mars og lækkuðu um rúman milljarð frá áramótum. Hreinar vaxtaberandi skuldir með leiguskuldbindingum námu 18 milljörðum króna og lækkuðu um 1,1 milljarð króna frá árslokum. Eiginfjárhlutfall félagsins var 26,1% í lok fjórðungsins. Sýn er nú í einkaviðræðum við Símann um sölu á vef- og útvarpsmiðlum félagsins. Herdís segir að gangi salan eftir muni hún styrkja efnahagsreikning félagsins og skapa aukið svigrúm til að efla kjarnarekstur til framtíðar. Sjá einnig Síminn að kaupa vef- og útvarpsmiðla Sýnar „Eins og kunnugt er tók félagið ákvörðun um að ganga til einkaviðræðna við Símann hf. um sölu á vef- og útvarpsmiðlum félagsins. Gangi salan eftir mun hún styrkja efnahagsreikning félagsins sem skapar aukið svigrúm til að efla kjarnarekstur til framtíðar,“ segir Herdís Dröfn Félagið staðfestir áður birta afkomuspá fyrir árið 2026. Stjórnendur gera ráð fyrir að EBITDAaL verði 4,2 til 4,4 milljarðar króna á árinu, fjárfestingar 3,2 til 3,4 milljarðar króna og EBITDAaL að frádregnum fjárfestingum 800 til 1.200 milljónir króna. Sýn mun ekki birta árshlutareikning fyrir fyrsta og þriðja ársfjórðung í samræmi við heimild í lögum og stefnu félagsins um einföldun og skilvirkni. Félagið mun framvegis birta sex mánaða reikning og ársreikning, en fréttatilkynningar vegna fyrsta og þriðja ársfjórðungs.