Reiknistofa bankanna hagnaðist um 136 milljónir króna í fyrra, samanborið við 230 milljónir árið áður. Tekjur námu 6.113 milljónum og jukust um 5% milli ára. Alvarlegum atvikum fjölgaði nokkuð á árinu og má þar meðal annars nefna stór fjársvik sem komu upp í október í kjölfar flutnings á dagslokum til miðnættis. Í ársreikningi segir að mikil vinna hafi farið í að greina atvikið og hrinda af stað úrbótaverkefnum en ekki er ljóst hvert heildartjón viðskiptavina er á þessari stundu. Lykiltölur / Reiknistofa bankanna hf. 2025 2024 Tekjur 6.113 5.823 Eigið fé 2.996 3.086 Eignir 4.994 5.029 Afkoma 136 230 - í milljónum króna Fréttin birtist fyrst í Viðskiptablaðinu .