Í dag keppir Jón Erik Sigurðsson í fyrri grein sinni á Vetrarólympíuleikunum í Mílanó og Cortina; stórsvigi. Keppni hefst 09:00, útsendingin á RÚV 2 tíu mínútum fyrr. Á Ólympíuleikunum eru allir þeir sem komast niður fyrri ferðina með í seinni ferðinni, útsending frá henni hefst 12:20. Það er nóg af öðru skemmtilegu á Vetrarólympíuleikunum í dag, til að mynda boðganga kvenna í skíðagöngu og sprettganga kvenna í skíðaskotfimi. Við sýnum tvo íshokkí leiki, hólasvig, skautahlaup og skíðastökk svo það ættu allir að finna eitthvað við sitt hæfi.