„Þegar ég sá fréttirnar þá fattaði ég það. Ég gerði mér enga grein fyrir því þegar ég var að keppa. Það var bara geðveikt þegar það kom í ljós. Það er gaman að skrá sig á blað íslensku íþróttasögunnar.“ 25. sætið varð niðurstaðan Jón Erik náði því besta árangri Íslendings í 20 ár en Björgvin Björgvinsson varð í 22. sæti í svigi á Ólympíuleikunum í Torino 2006. Hann segir þátttökuna á þessum fyrstu Ólympíuleikum sínum hafa verið draum sem varð að veruleika. Upplifunin hafi verið stórkostleg. „Reynslan á stórmóti, að komast í mark og upplifa stúkuna fyrir framan sig og heyra lætin.“ Jón Erik er heima á Íslandi í nokkra daga áður en hann fer aftur út að keppa erlendis og er rétt að ná að lenda eftir ólympíuveisluna.