Innlent | Morgunblaðið | 22.2.2026 | 9:40 Aldrei meiri áhugi en í upphafi árs Brynjar (annar frá vinstri) og Jóna Kristín í heimsókn í sínum gamla skóla, Clemson, í S-Karólínu árið 2017. Kristján Jónsson, [email protected] Setja bókamerki Nám í Bandaríkjunum Yfir 550 hafa farið frá Íslandi til bandarískra skóla frá 2015. 90% fara vegna knattspyrnu en fjölgun er einnig í öðrum íþróttagreinum. Íslendingarnir hafa samtals fengið 6,5 milljarða í styrki. 65% karlar og 35% konur. Flestir hafa farið til Flórída, New York, Norður-Karólínu, Kaliforníu og Georgíu. Tugir bandarískra þjálfara koma hingað og skoða leikmenn í sýningarleikjum SEUSA. Enn fleiri fylgjast með í streymi á netinu. Íslenskir námsmenn hafa getað farið til og frá Bandaríkjunum í vetur eins og áður, að sögn Jónu Kristínar Hauksdóttur, stofnanda Soccer&Education í Garðabæ, en fyrirtækið hefur aðstoðað Íslendinga við að komast til náms á íþróttastyrk í bandarískum háskólum í áratug. Í maí í fyrra fyrirskipaði ríkisstjórn Bandaríkjaforseta bandarískum sendiráðum að hætta að taka við umsóknum námsmanna um vegabréfsáritanir. „Í fyrra skiptið sem Donald Trump var kjörinn forseti þá hugsaði ég með mér að það myndi hafa áhrif á áhuga íþróttafólks á að fara til Bandaríkjanna. Hann talar mjög hátt en hann er auðvitað ekki einvaldur. Stjórnmálin í Bandaríkjunum hafa hins vegar ekki haft teljandi áhrif á eftirspurnina á Íslandi. Aldrei hafa jafn margir byrjað í ferlinu hjá okkur eins og í janúar og febrúar á þessu ári. Við finnum því ekki fyrir mótvindi þótt mögulega séu einhverjir sem útiloka að fara til náms í Bandaríkjunum og við fréttum aldrei af því,“ segir Jóna og bendir einnig á að dæmigert háskólasamfélag í Bandaríkjunum sé svolítið eins og búbbla. „Fólk fer þangað á íþróttastyrk og er svolítið í búbblu. Heldur til á „campus“ [margar byggingar þar sem fólk býr á heimavist], sinnir náminu, stundar sína íþrótt og verður ekki vart við hver stjórnar landinu. Auk þess er allur gangur á því hversu mikið fólk fylgist með stjórnmálum í kringum 18 ára aldurinn en foreldrarnir hafa væntanlega sterkari skoðanir á því.“ Rótgrónir háskólar Trump Bandaríkjaforseti og ríkisstjórnin bandaríska beindu um tíma sjónum sínum að háskólum og nemendum sem kæmu til náms í Bandaríkjunum frá öðrum löndum. Vegabréfsáritanir urðu þá áhyggjuefni fyrir marga en það hefur ekki verið vandamál fyrir íslenska námsmenn að sögn Jónu. Einnig má nefna að deilur ríkisstjórnarinnar og Harvard-háskólans voru mjög til umfjöllunar. „Fólkið sem er á okkar vegum hefur flogið til og frá Bandaríkjunum án þess að það hafi verið neitt mál. Þar spilar inn í að Íslendingar eða fólk af öðrum Norðurlandaþjóðum eru ekki á listum yfir einhverja sem stjórnvöldum í Bandaríkjunum þykja óæskilegir. Vegabréfsáritanirnar hafa gengið vel og umræðan um þessi mál í Bandaríkjunum hefur ekki haft nein áhrif hjá okkur. Námsmenn eru með sérstakar vegabréfsáritanir og það skiptir einnig máli,“ segir Jóna og þau finna heldur ekki fyrir því að stjórnendur bandarísku háskólanna hafi áhyggjur af vegabréfsáritunum. Rótgrónir háskólar hafi verið til í hundruð ára og mikið þurfi að ganga á til að hrist sé upp í tilvist þeirra. Jóna Kristín stofnaði fyrirtækið ásamt eiginmanninum Brynjari Benediktssyni og þau starfa þar bæði. Fyrirtækinu hefur vaxið fiskur um hrygg og með þeim starfa sjö sérfræðingar sem eru sérhæfðir í mismunandi íþróttagreinum. Voru við nám í S-Karólínu „Við byrjuðum í lok árs 2015. Þá vorum við Brynjar í fullri vinnu og vorum að vinna við annað. Hugmyndin var þá að aðstoða nokkra Íslendinga að komast út í háskóla. Strax árið eftir sögðum við upp, ákváðum að byggja upp fyrirtækið og höfum unnið við þetta síðan,“ segir Jóna og þótt fyrirtækinu hafi verið gefið nafnið Soccer&Education þá aðstoða þau fólk í öllum íþróttum sem í boði eru í bandarísku háskólaíþróttunum. Knattspyrnan er fyrirferðarmest en Jóna nefnir að þar séu stórir leikmannahópar og því meiri eftirspurn eftir Íslendingum en í einstaklingsgreinum. Jóna og Brynjar fóru bæði út til Clemson á íþróttastyrk en skólinn er staðsettur í Suður-Karólínu. Þegar þau fóru utan árið 2011 var engin kerfisbundin aðstoð hérlendis til að komast á skólastyrk. Bæði áttu þau leiki fyrir yngri landsliðin í knattspyrnu, sem hafði mikið að segja. „Við sáum því gat á markaðnum. Sigurður Ragnar Eyjólfsson, sem þá var þjálfari kvennalandsliðsins, benti mér á skóla sem var að leita að íslenskum fótboltastelpum. Það var bara í gegnum persónulegar tengingar. Ég gat ekki einu sinni fundið Clemson-háskólann á korti áður en ég fór á staðinn. Brynjar gat komið með því strákaliðið vantaði einnig leikmann. Þjálfari í Clemson sagði okkur að víða í Evrópu væru fyrirtæki að hjálpa leikmönnum að komast til Bandaríkjanna í nám,“ segir Jóna en margir Íslendingar höfðu áratugina á undan farið á íþróttastyrk til Bandaríkjanna en eins og hún bendir á var það í gegnum tengingar og sambönd. Í dag geti efnilegt íþróttafólk valið úr skólum. Háir styrkir í boði Nemendurnir greiða fyrirtækinu fast gjald fyrir þá þjónustu sem það veitir. Gjaldið er hið sama og tekur ekki mið af styrkjum sem viðkomandi fær hjá háskólanum sem hann skráir sig í. Miklir hagsmunir eru í húfi fyrir háskólanema á íþróttastyrk því að afar kostnaðarsamt er að nema í Bandaríkjunum. Ekki síst í þekktum skólum. Meta má fjögurra ára nám þar á tugi milljóna og þegar skólagjöld og fleira er fellt niður vegna íþróttastyrksins er eftir miklu að slægjast. Fyrir utan auðvitað þá einföldu staðreynd að háskólagráða frá Bandaríkjunum kemur sér alla jafna vel á atvinnumarkaði. Til viðbótar má nú greiða leikmönnum peningagreiðslur ofan á fullan skólastyrk. Íslenskum leikmönnum hafa verið boðnar allt að 10 milljónir aukalega ofan á skólastyrkinn. Jóna bendir einnig á að íþróttafólkið fær upplagt tækifæri til að bæta sig í íþróttinni. Öll aðstaða til æfinga er í flestum tilfellum til fyrirmyndar og af stærðargráðu sem þekkist vart í Evrópu. Hún lýsir því til dæmis hvernig hvert lið í viðkomandi skóla er með sína eigin líkamsræktaraðstöðu. Auk þess getur veðurfarið verið hagfellt, til dæmis fyrir kylfinga og frjálsíþróttafólk. Fáðu aðgang að þessari grein Með áskrift færðu fullan aðgang að öllum læstum greinum Árvakurs — vandað, fjölbreytt og traust efni, hvar og hvenær sem er. Þannig styður þú íslenska fjölmiðlun og hjálpar okkur að halda áfram að segja sögurnar sem skipta máli. Tryggðu þér aðgang núna. Skoða áskriftarleiðir Innskráning Gleymt lykilorð? Kennitala: Lykilorð: Ertu ekki með notendaaðgang? Fara í nýskráningu . Fáðu þér áskrift til að lesa áfram Þú ert innskráð(ur) sem ... en ert ekki með áskrift. Aðgangur að þessari frétt í fullri lengd krefst áskriftar að Morgunblaðinu, rafræns aðgangs á borð við vikupassa eða séráskriftar að viðkomandi efnisflokki á mbl.is. Kynntu þér áskriftarleiðirnar Ég er nú þegar áskrifandi Ég er ekki með notendaaðgang Nám í Bandaríkjunum Yfir 550 hafa farið frá Íslandi til bandarískra skóla frá 2015. 90% fara vegna knattspyrnu en fjölgun er einnig í öðrum íþróttagreinum. Íslendingarnir hafa samtals fengið 6,5 milljarða í styrki. 65% karlar og 35% konur. Flestir hafa farið til Flórída, New York, Norður-Karólínu, Kaliforníu og Georgíu. Tugir bandarískra þjálfara koma hingað og skoða leikmenn í sýningarleikjum SEUSA. Enn fleiri fylgjast með í streymi á netinu. Nánar um málið í Morgunblaðinu Áskrifendur: Lesa blaðið hér Blogga um frétt Nánar um málið í Morgunblaðinu Áskrifendur: Lesa blaðið hér Nýjast á mbl.is » Aldrei meiri áhugi en í upphafi árs Læknirinn sagði nei þegar hún tilkynnti óléttuna Bjarnhéðinn er á leið á Landsbókasafnið Segir sjúkraskip á leið til Grænlands Svuntan á og kaffið í gang: Svona byrjar góður konudagur Umræðan Farsæld Íslands Engin samningsmarkmið um innflutning dýra þýðir óbærilegt tjón Meira í Umræðunni » Fleira áhugavert Endurgreiðir Trump 16,5 billjónir? Segir sjúkraskip á leið til Grænlands Mótmæla af krafti á nýjan leik í Íran Krökkt í Hlíðarfjalli og lögregla lokaði veginum Mest lesið Í gær Í vikunni Bönkuðu á dyrnar og sögðu honum að yfirgefa heimilið Tengsl blárra augna við sifjaspell Gengur morðingi laus? Tvær rútur utan vegar: Ferðamenn fluttir á hótel Á ríflega tvöföldum hámarkshraða Fær 1,5 milljónir í vasann Gul viðvörun í gildi til hádegis „Flestir komu inn á síðustu dögum“ Tveir sinueldar til viðbótar í nótt Nærri 300 umsagnir um breytingar á útlendingalögum Forstjórinn með stöðu sakbornings Talinn vera undir mölinni Andlát: Haraldur Sigurðsson Gul viðvörun í kvöld Verður þúsund manna atvinnusvæði Tvær rútur utan vegar: Ferðamenn fluttir á hótel Bakkaði ítrekað á hús Krökkt í Hlíðarfjalli og lögregla lokaði veginum Allt tiltækt lið kallað út vegna hamfarakokks Ólafur Ragnar: Vissi ekki að þetta væri Epstein Forstjórinn með stöðu sakbornings Skuldaði 2,5 milljarða við yfirtökuna Talinn vera undir mölinni „Dóttir þín lifir ekki lengur“ Beint: Framsókn kýs nýja forystu Geislavirkni á Reykjanesskaga: Flókið mál Ræddu við ökumann og gruna hann um samflot Lögreglumaður ákærður: Varðar allt að 3 ára fangelsi Dregur framboð sitt til baka Starfsmaður grunaður um að hafa stolið mat Nýjast á mbl.is » Aldrei meiri áhugi en í upphafi árs Læknirinn sagði nei þegar hún tilkynnti óléttuna Bjarnhéðinn er á leið á Landsbókasafnið Segir sjúkraskip á leið til Grænlands Svuntan á og kaffið í gang: Svona byrjar góður konudagur Umræðan Farsæld Íslands Engin samningsmarkmið um innflutning dýra þýðir óbærilegt tjón Meira í Umræðunni » Fleira áhugavert Nærri 300 umsagnir um breytingar á útlendingalögum Mótmæla af krafti á nýjan leik í Íran Húsleit lögreglu lokið í Sandringham Listi sjálfstæðismanna á lokastigi Mest lesið Í gær Í vikunni Bönkuðu á dyrnar og sögðu honum að yfirgefa heimilið Tengsl blárra augna við sifjaspell Gengur morðingi laus? Tvær rútur utan vegar: Ferðamenn fluttir á hótel Á ríflega tvöföldum hámarkshraða Fær 1,5 milljónir í vasann Gul viðvörun í gildi til hádegis „Flestir komu inn á síðustu dögum“ Tveir sinueldar til viðbótar í nótt Nærri 300 umsagnir um breytingar á útl