Þorsteinn Másson hefur verið ráðinn til starfa hjá Samtökum fyrirtækja í sjávarútvegi. Hann hefur undanfarin ár gegnt starfi framkvæmdastjóra Bláma á Vestfjörðum sem er samstarfsverkefni á vegum Landsvirkjunar, Orkubús Vestfjarða og Vestfjarðastofu. Hann lauk prófi í viðskiptafræði frá Háskólanum á Akureyri og auk þess hefur hann reynslu af sjómennsku, með próf í vél- og skipstjórn. Þorsteinn er Vestfirðingur að upplagi, starfaði meðal annars hjá Arnarlaxi og býr yfir víðtækri reynslu úr sjávarútvegi og fiskeldi.