Inga María Hjartardóttir hefur verið ráðin í starf vörumerkjastjóra Red Bull á Íslandi en hún hefur þegar hafið störf og mun leiða markaðs- og kynningarmál orkudrykkjarins á Íslandi. Hún kemur til Red Bull með víðtæka og alþjóðlega reynslu úr heimi markaðsmála. Inga hefur áður unnið sem markaðssérfræðingur hjá Símanum, kynningarstjóri Píeta samtakanna og umboðsmaður í Los Angeles. „Það er mikill styrkur fyrir okkur að fá Ingu í teymið okkar. Red Bull hefur verið á fleygiferð síðustu mánuði og eru verkefnin í takt við það. Með ráðningu Ingu Maríu er markið sett hátt fyrir næsta vaxtarskeið Red Bull á Íslandi,“ segir Friðjón Hólmbertsson framkvæmdastjóri Steindal ehf., sem tók við sölu og dreifingu á Red Bull á Íslandi árið 2024. Sjá einnig Steindal nýr umboðsaðili San Pellegrino á Íslandi Inga María er með tónlistarviðskiptafræðigráðu frá Berklee College of Music í Boston og varði hún fimm árum vestanhafs í tónlist og umboðsmennsku. „Það er svakaleg orka í kringum allt sem Red Bull og Steindal eru að gera og ég gæti ekki verið spenntari að ganga til liðs við teymið og láta verkin tala,” segir Inga María.