Hreiðar Bjarna­son, fjár­mála­stjóri Lands­bankans, segir ný­lega út­gáfu bankans á svo­kölluðum AT1-verðbréfum auka arð­semi bankans. Að hans sögn er út­gáfan mikilvægt skref til að auka hag­kvæmni í fjár­magns­skipan bankans og bein­línis ætluð til að skapa svigrúm til að draga úr því um­fram eigin fé sem bundið sé í rekstri. Um­ræðan um út­gáfuna hefur verið áberandi í ljósi þess að bankaráð Lands­bankans leggur til að bankinn greiði sér­stakan arð upp á 16,1 milljarð króna ofan á reglu­legan arð, þannig að heildararð­greiðsla til ríkisins verði tæp­lega 35 milljarðar króna. Hagnaður sam­stæðunnar árið 2025 var 38 milljarðar króna, sem þýðir að arð­greiðslurnar jafn­gilda um 92% af hagnaði og renna nær al­farið til ríkisins. Skömmu áður en greint var frá till­lögunni fór bankinn á markað og sótti sér fé með AT1-út­gáfu í ís­lenskum krónum. Í út­boðinu voru samþykkt til­boð að fjár­hæð 16 milljarðar króna, nánast sama upp­hæð og sér­staka arð­greiðslan. AT1 eru víkjandi skulda­bréf sem teljast ekki sem venju­leg skuld í eigin­fjárút­reikningi heldur sem hluti af eigin­fjár­grunni bankans, þ.e. viðbótar­eigin­fjárþáttur 1. AT1 er eðli málsins sam­kvæmt dýrari fjár­mögnun en hefðbundin lán, vegna þess að hún stendur neðar í kröfuröð og ber meiri áhættu fyrir fjár­festa. „Út­gáfa AT1-verðbréfa er mikilvægt skref í aukinni hag­kvæmni í fjár­magns­skipan bankans, enda eykur slík út­gáfa svigrúm bankans til þess að draga úr því um­fram eigin fé sem bundið er í rekstri bankans. Heildar­fjár­hæð AT1-verðbréfa bankans er um 1% af heildar­fjár­mögnun bankans. Láns­hæfis­ein­kunn AT1-verðbréfa bankans er BB, en al­menn láns­hæfis­ein­kunn bankans er í A-flokki,“ segir Hreiðar í svari við umfjöllun Viðskiptablaðsins. Sjá einnig Lán á háum vöxtum til að greiða ríkinu meiri arð AT1-bréfin sem Lands­bankinn gaf út í síðasta mánuði bera 10,00% fasta vexti, sem bankinn setur fram sem 10,25% ávöxtun á árs­grund­velli, greidda hálfs­árs­lega. Hreiðar segir bréfin vera án loka­gjald­daga, en með inn­köllunar­heimild á fimm ára fresti af hálfu bankans, háða samþykki eftir­lit­saðila. Hann bendir jafnframt á að þar sem „um ótryggð og djúpt víkjandi bréf er að ræða er vaxtaálag á slíka fjár­mögnun hærra en ella.“ „Kostur slíkrar fjármögnunar fyrir bankann er að sama skapi að hún telur sem ígildi eiginfjár í regluverki fjármálamarkaða og er sem slík hagkvæmara form fjármögnunar heldur en eigið fé, að því marki sem regluverkið heimilar. AT1 útgáfan og sérstök arðgreiðsla henni tengd, sem dregur úr umfram eigin fé bankans, eykur því arðsemi bankans að öðru óbreyttu,“ segir Hreiðar. Lægri vaxtálag en í dollara útgáfunni Að lokum segir hann að vaxtaálag krónu-AT1 ofan á ávöxtunar­kröfu fimm ára ríkis­bréfa sé 343 punktar. Til saman­burðar hafi AT1-út­gáfa bankans í bandaríkja­dölum í febrúar 2025 verið með 421 punkta álagi ofan á grunn­vexti í Bandaríkja­dölum (mið­gildi fimm ára SOFR-vaxta­skipta­samninga), sem sam­svaraði þá 8,125% vöxtum. Sjá einnig 16 milljarða sér­stök arð­greiðsla hjá Lands­bankanum