SIGNO ehf., móðurfélag LED Birtinga og LED Skilta, hagnaðist um 78 milljónir króna árið 2024, en árið áður nam hagnaðurinn 80 milljónum. Samanlagt veltu dótturfélögin 546 milljónum á árinu. Breytingar voru gerðar á hluthafahópnum en Ingibjörg Pálmadóttir fjárfestir seldi 57% eignarhlut sinn. Í dag á félag í eigu Jóns Skaftasonar, stjórnarformanns SIGNO, 40% hlut. Halldóra Brandsdóttir á 32% hlut og Stefán Ragnar Guðjónsson 27% hlut. Hlutafé var aukið um 218 milljónir samhliða eigendaskiptum. Lykiltölur / SIGNO ehf. 2024 2023 Hlutdeild í afkomu 78 80 Eigið fé 308 151 Eignir 308 180 Afkoma 78 80 - í milljónum króna Fréttin birtist fyrst í Viðskiptablaðinu .